یوکرین نے کہا ہے کہ کیف پر روسی حملوں میں دو افراد ہلاک اور ایک بچے سمیت پانچ افراد زخمی ہو گئے ہیں۔

یوکرین  ہنگامی امدادی سروس نے آج بروز جمعرات جاری کردہ بیان میں کہا ہے کہ روس نے نصف شب سے کچھ دیر بعد دارالحکومت  کیف پر  حملےکئےہیں۔ حملوں میں دو افراد ہلاک اور ایک بچے سمیت کم از کم پانچ افراد زخمی ہو گئے ہیں۔ علاوہ ازیں سویاتوشنسکی  اور دارنیتسکی اضلاع کو بھی نشانہ بنایا گیا ہے۔

یوکرین فضائیہ کی جانب سے متعدد بیلسٹک میزائلوں کے کیف کی طرف آنے کی وارننگ جاری ہونے کے بعد، دارالحکومت  میں موجود اے ایف پی کے صحافیوں نے یکے بعد دیگرے کئی زور دار دھماکوں کی آوازیں سنیں۔

دارالحکومت کی فضاؤں میں متعدد دفعہ تیز روشنی کی  چمک دیکھی گئی اوراس کے بعد مسلسل دھماکے ہوتے رہے۔

کیف کے میئر ویٹالی کلیچکو نے جمعرات کے روز ٹیلی گرام سے جاری کردہ بیان میں کہا ہے کہ "دشمن کے حملے کے نتیجے میں کیف میں دو افراد ہلاک ہو گئے ہیں۔"

میئر کلیچکو نے اس سے قبل سوشل میڈیا سے جاری کردہ بیان میں کہا تھا کہ ایک گودام پر حملہ کیا گیاہے اور  "میزائلوں کا ملبہ غیر رہائشی عمارتوں پر گرا ہے۔یوکرین کے شمال مشرقی شہر خارکیف کو بھی جنگی ڈرون حملوں سے نشانہ بنایا گیا ہے۔

یہ حملہ یورپی کمیشن کی صدر ارسولا فان ڈیر لائن کے، یوکرین کے ساتھ دفاعی تعاون کو مزید مضبوط بنانے کے زیرِ مقصد طے پانے والے، دورے سے چند گھنٹوں بعد کیا گیاہے۔