ترکیہ کی دفاعی صنعت کی ایگزیکٹو کمیٹی صدر رجب طیب ایردوان کی صدارت میں ایوان صدر میں یکجا ہوئی ۔۔
ایک بیان کے مطابق، 2026 کے پہلے اجلاس میں کمیٹی نے 2025 میں ترکیہ کی دفاعی صنعتی سرگرمیوں ، اس کی برآمدی کارکردگی، مستقبل کے اہداف اور جاری اہم منصوبوں کا جائزہ لیا۔
بیان میں کہا گیا کہ دفاعی صنعت کی برآمدی کامیابی، مستقبل کے اہداف اور اہم منصوبوں کے حوالے سے جائزے کیے گئے ساتھ ہی قومی دفاعی شعبے کی حمایت کے عزم کی بھی تصدیق کی گئی۔
بیان میں مزید کہا گیا کہ وزارتِ دفاع اور وزارتِ داخلہ کی ضروریات پورا کرنے کے لیے موجودہ اور منصوبہ بند منصوبوں سے متعلق ایجنڈے پر بھی بات چیت کی گئی اور فیصلے کیے گئے ہیں۔
کمیٹی نے ترکیہ کی دفاعی صنعت کی کامیابیوں پر اطمینان کا اظہار کیا اور کہا کہ یہ کامیابیاں ہماری قوم اور ریاست کی مضبوط حمایت کے باعث ممکن ہو سکی ہیں۔
کمیٹی نے 2026 میں بھی مزید مضبوط عزم کے ساتھ کوششیں جاری رکھنے کی ضرورت پر زور دیا اور کہا کہ دفاعی صنعت میں پیشرفت قومی ٹیکنالوجیز کے استعمال کے ذریعے عزم کے ساتھ جاری رکھی جائے گی۔
بیان کا اختتام اجلاس میں لیے گئے فیصلوں کا عوامی اعلان کرتے ہوئے کیا گیا۔
