شامی حکومت نے عراق اور اردن کی سرحد کے سنگم پر واقع اسٹریٹجک الطنف اڈے پر کنٹرول حاصل کر لیا ہے۔

شامی حکومتی ذرائع نے انادولو کو بتایا کہ شامی فوج نے اڈے کا کنٹرول سنبھال لیا اور وہاں تعینات ہو گئی ہے۔

اطلاعات کے مطابق ،امریکی افواج اس کے بعد "ٹاور 22" نامی ایک اڈے پر منتقل ہو گئیں، جو اردن اور شام کے درمیان غیر فوجی زون کے قریب واقع ہے اور ال تنف سے 22 کلومیٹر کے فاصلے پر ہے۔

اگرچہ کہا جاتا تھا کہ ایک موقع پر تقریباً 200 امریکی فوجی الطنف میں تعینات تھے مگر ٹاور 22 پر تعینات امریکی اہلکاروں کی تعداد کی تصدیق شدہ معلومات دستیاب نہیں ہے۔

 یاد رہے کہ امریکہ نے الطنف اڈے کا استعمال کیا تھاجسے 2017 اور 2018 میں وسعت دی گئی تھی اور وہاں جاسوس غباروں کے ذریعے ایران نواز گروپوں اور داعش دہشت گرد تنظیم کی اردن کی سرحد سے لے کر فرات تک سینکڑوں کلومیٹر کے علاقے میں عسکری سرگرمیوں کی نگرانی کی جاتی تھی۔