ترک صدر رجب طیب اıردوان نے پاکستانی وزیر اعظم شہباز شریف سے ٹیلی فون پر بات کی ہے اور ہندوستان اور پاکستان کے درمیان کشیدگی کو مزید بڑھنے سے روکنے کے لئے ہر ممکن کوشش کرنے  کا اعادہ کیا ہے۔

ترک شعبہ اطلاعات کے مطابق بدھ کو ہونے والی اس  بات چیت میں بھارت اور پاکستان کے درمیان کشیدگی، 6 مئی کی رات کو ہونے والے حملے اور تازہ ترین پیش رفت پر بات چیت کی گئی۔

بیان میں کہا گیا ہے کہ ٹیلی فون پر صدر ایردوان نے پاکستان کے ساتھ یکجہتی کا اظہار کیا، حملے میں شہید ہونے والوں کے لیے  پاکستانی عوام  سے تعزیت کا اظہار کیا اور زخمیوں کی جلد صحت یابی کے لیے دعا کی۔

انہوں نے انقرہ کی جانب سے پاکستان کے 'پرسکون اور متوازن رویے' کی حمایت کا اظہار کیا۔

ترک رہنما نے کہا کہ جموں و کشمیر میں 22 اپریل کو ہونے والے حملے کی غیر جانبدار، شفاف اور قابل اعتماد بین الاقوامی تحقیقات کے لیے پاکستان کی تجویز مناسب ہے۔

اسلام آباد نے بدھ کے روز کہا کہ پاکستان اور پاکستان کے زیر انتظام کشمیر میں بھارت کے "آپریشن سندور" میں کم از کم 26 شہری ہلاک اور 46 دیگر زخمی ہوئے۔

 دوسری جانب ،نئی دہلی نے کہا کہ اس نے پاکستان میں "دہشت گردوں کے بنیادی ڈھانچے" کو نشانہ بنایا ہے ۔