لیبیا کے السرہ ہوائی اڈے پر ایک ایمبولینس ہیلی کاپٹر گرنے کے نتیجے میں 5 افراد ہلاک ہو گئے ہیں۔

مقامی ذرائع ابلاغ کے مطابق  پیر کے روز  ایک ایمبولینس ہیلی کاپٹر طبی مشن سے واپسی کے دوران  لیبیا کےالسرہ ہوائی اڈّے پر گر کر تباہ ہو گیا ہے۔ حادثے  کے نتیجے میں پانچ افراد ہلاک ہو گئے ہیں۔

الوساط  چینل نے باخبر ذرائع کے حوالے سے جاری کردہ خبر میں کہا ہے کہ حادثہ کفرا  شہر سے تقریباً 300 کلومیٹر جنوب مشرق میں پیش آیا ہے۔

ہلاک شدگان میں فوجی ٹرانسپورٹ سروس کے دو اہلکار اور کفرا کے ایک ہسپتال کی نرس شامل ہیں۔ رپورٹ کے مطابق باقی دو افراد غیر ملکی تھے جن کی شناخت پائلٹ اور اس کے معاون کے طور پر کی گئی ہے۔

حادثے کی وجہ سے متعلق فوری طور پر مزید  تفصیلات دستیاب نہیں ہیں ۔ لیبیا کے حکام نے بھی تاحال  واقعے سے متعلق  کوئی  بیان جاری نہیں کیا۔