یوکرین کی سرحد سے متصل روسی علاقے میں ریلوے پر پل گرنے سے کم از کم سات افراد ہلاک ہو گئے ہیں، جس کے لیے ماسکو ریلوے نے 'غیر قانونی مداخلت' کا الزام عائد کیا ہے۔

ریلوے پٹریوں پر ایک پل گرنے کے نتیجے میں سات افراد ہلاک ہوئے ہیں۔ علاقائی گورنر الیگزینڈر بوگوماز نے ہفتے کے روز ٹیلی گرام پر لکھا کہ دو بچوں سمیت 30 متاثرین کو برائنسک کے علاقے کے طبی مراکز میں لے جایا گیا ہے۔

ماسکو ریلوے کا کہنا ہے کہ ٹرانسپورٹ کے آپریشن میں غیر قانونی مداخلت کے نتیجے میں ایک سڑک پل گرنے کی وجہ سے کلیموف اور ماسکو کے درمیان ایک ٹرین پٹری سے اتر گئی۔

بوگوماز نے کہا کہ ہنگامی خدمات اور سرکاری حکام جائے وقوعہ پر کام کر رہے ہیں۔ متاثرین کو مدد فراہم کرنے کے لئے ہر ممکن کوشش کی جا رہی ہے۔

روسی فیڈریشن کی تحقیقاتی کمیٹی کے ویسٹرن انٹر ریجنل انویسٹی گیشن ڈپارٹمنٹ فار ٹرانسپورٹ کے مطابق تفتیش کار جائے وقوعہ کا بھی معائنہ کر رہے ہیں۔