صدر ڈونلڈ ٹرمپ نے ایک انٹرویو میں کہا  ہے کہ امریکہ-اسرائیل کی ایران کے خلاف جنگ خاتمے کے قریب ہے۔

ٹرمپ نے فاکس بزنس کی اینکر ماریا بارتیرو مو سے اس وقت کہا جب ان سے پوچھا گیا کہ کیا جنگ ختم ہو گئی ہے تو   ٹرمپ نے جواب دیا  کہ  میرے خیال میں یہ قریب قریب ختم ہو چکی  ہے ۔

اس انٹرویو کا ایک ویڈیو اقتباس ایکس پر شیئر کیا گیا جس میں ٹرمپ نے مزید کہا کہ آپ جانتے ہیں کیا، اگر میں ابھی سب کچھ چھوڑ دوں تو انہیں اس ملک کو دوبارہ بنانے میں 20 سال لگیں گے لیکن   ہم ابھی ختم نہیں ہوئے۔ دیکھتے ہیں کیا ہوتا ہے۔ مجھے لگتا ہے کہ وہ بہت بری طرح معاہدہ کرنا چاہتے ہیں۔

ہفتے کے آخر میں پاکستانی دارالحکومت اسلام آباد میں بات چیت ہوئی تاکہ 28 فروری کو شروع ہونے والی امریکہ-اسرائیل کی ایران کے خلاف جنگ کو مستقل طور پر ختم کیا جا سکے لیکن کوئی معاہدہ طے نہ پا سکا  البتہ، مزید مذاکرات کے ایک اور دور کی کوششیں جاری ہیں۔

ٹرمپ نے امریکہ-ایران براہ راست مذاکرات کے دوبارہ شروع ہونے کے امکانات پر پرُ امید لہجہ اختیار کرتے ہوئے منگل کو کہا کہ وہ اگلے دو دنوں میں پاکستان میں دوبارہ شروع ہو سکتے ہیں۔

پاکستان نے 8 اپریل کو دو ہفتے کی جنگ بندی کروائی تھی جو اب بھی برقرار ہے۔