کرسچن ایسوسی ایشن آف نائجیریا (CAN) نے کہا ہے کہ گزشتہ ہفتے نائجیریا کے ایک کیتھولک اسکول سے اغوا کیے گئے 300  میں سے  اکثر  طلباء فرار ہو چکے ہیں۔

 بتایا گیا ہے کہ طلباء جمعہ اور  ہفتہ کے درمیان فرار ہو ئے  اور اپنے والدین سے دوبارہ جا ملے،

تقریبا 253 بچے، جن میں 12 عملے کے ارکان شامل ہیں اب بھی اغوا کاروں کے ساتھ ہیں ۔

جمعہ کو ملک کے شمال مغرب میں واقع سینٹ میری اسکول سے مسلح افراد نے طلبہ اور اساتذہ کو اغوا کر لیا تھا  جو اس ہفتے اسکولوں پر ہونے والے حملوں کی تازہ ترین لہر  تھی  جس کی وجہ سے حکومت کو 47 کالج بند کرنے پر مجبور ہونا پڑا۔

پاپائے روم   لیو نے اتوار کو اغوا کیے گئے بچوں اور عملے کی فوری رہائی کی درخواست کی جو وہاں ریکارڈ کی گئی اب تک کی بدترین اجتماعی اغوا وارداتوں میں سے ایک ہے۔

 پوپ لیو نے روم کے سینٹ پیٹرز اسکوائر میں ایک ماس کے اختتام پر کہا کہ میں یرغمالیوں کی فوری رہائی کے لیے دل سے اپیل کرتا ہوں۔

اغوا  کی یہ واردات امریکی صدر ڈونلڈ ٹرمپ کے  ان دعووں کے بعد ہوئی ہے کہ نائجیریا میں عیسائیوں کو ظلم و ستم کا نشانہ بنایا جا رہا ہے۔

 نائجیریا کی حکومت نے اس دعوے کو حقیقت کی غلط عکاسی قرار دے کر مسترد کر دیا ہے اور کہا ہے کہ دہشت گرد مسلمانوں اور عیسائیوں پر بلا تفریق  حملہ کرتے ہیں۔