ایردوان

صدر رجب طیب ایردوان نے کہا کہ ترکیہ دفاعی، ہوا بازی اور خلائی صنعتوں میں دنیا کی ابھرتی ہوئی طاقتوں میں سے ایک بن گیا ہے۔

استنبول میں SAHA EXPO 2026 میلے سے خطاب کرتے ہوئے، ایردوان نے کہا کہ ترکیہ ان شعبوں میں بڑھتے ہوئے عالمی اثر و رسوخ والے ممالک میں شامل ہے۔

انہوں نے کہا کہ 'ترکیہ کی دفاعی صنعت اب ایک ایسا ماحولی نظام بن چکی ہے جس کی نہ صرف خطے میں بلکہ پوری دنیا میں مانگ ہے، اس پر اعتماد کیا جاتا ہے اور ترجیح دی جاتی ہے۔'

ایردوان نے اعلان کیا کہ میلے کے دوران دستخط کیے گئے 182 معاہدوں کی بدولتنے مجموعی کاروباری حجم 8 بلین ڈالر تک پہنچ گیا ہے، جن میں 6 بلین ڈالر براہِ راست برآمداتی معاہدوںکا حصہ ہیں۔

انہوں نے یہ بھی بتایا کہ ترکیہ کی دفاعی برآمدات 2026 کے پہلے چار ماہ میں گزشتہ سال کے اسی دورانیے کے مقابلے میں 28 فیصد بڑھ کر 2.87 بلین ڈالر تک پہنچ گئی ہیں۔

ایردوان نے کہا، 'جنہوں نے کہا تھا کہ تم اسے نہیں کر سکتے، ہم نے ان کو ایسی مصنوعات سے جواب دیا جو ہم نے تیار کیں، مکمل کیں اور میدانِ جنگ میں کامیابی کے ساتھ آزمائیں — جیسا کہ آج ہم SAHA 2026 میں کر رہے ہیں۔'

ایک مستقبل جس میں امن غالب ہو

ترک صدر نے ملک کی دفاعی خواہشات کو قومی اتحاد اور داخلی استحکام سے جوڑا، اور 'داخلی محاذ' کو فوجی تعاون کے ساتھ قومی سلامتی کا ایک اور اہم ستون قرار دیا۔

انہوں نے کہا، ' ہم نے آج تک جو سب سے زیادہ حکمت عملی اقدام  داخلی قلعے کو مضبوط کرنے کے لیے اٹھائے ہیں ا وہ دہشت گردی سے پاک ترکیہ کا عمل ہے، جو اب اپنے 18ویں مہینے میں ہے، اور مقصد  دہشت  گردی سے پاک ایک  علاقہ ہے۔'

انہوں نے اس اقدام کو علاقائی طاقت کی کشمکش کے خلاف 'ہماری قوم کے شعور اور دلوں میں قائم کردہ ایک مضبوط پوزیشن' قرار دیتے ہوئے کہا کہ اس کا مقصد ترکی اور پڑوسی ممالک کو داخلی طور پر مضبوط کرکے 'ایک ایسے مستقبل کی تعمیر ہے جس پر امن غالب ہو۔'

ایردوان  نے SAHA استنبول کی بھی تعریف کی اور اسے یورپ کا سب سے بڑا دفاعی اور ہوا بازی میلہ  قرار دیا جس  میں 1,300 سے زیادہ رکن فرمیں  اور 30 یونیورسٹیاں فعال  طریقے سے شرکت کر رہی ہیں ۔

انہوں نے کہا، 'ہم دفاعی صنعت میں مکمل طور پر خودمختار ترکیہ کے ہدف تک پہنچنے تک بغیر رکے کام جاری رکھیں گے۔'

استنبول ایکسپو سینٹر میں منعقدہ سہا 2026 میں ترک فرمیں پانچ روزہ نمائش میں  اپنی انتہائی جدید مصنوعات پیش کر رہی ہیں۔

یہ  نمائش ترکیہ اور یورپ کی سب سے بڑی دفاعی، ہوا بازی اور خلائی  یونینز کی طرف سے منعقد کی جا رہی  ہے۔