اسرائیل نے جنوبی غزہ میں پولیس تھانوں کو ہدف بنا کر کئے گئے فضائی حملوں میں ایک بچّی سمیت 6 فلسطینیوں کو قتل اور متعدد کو زخمی کر دیا ہے۔
طبی عملے کی فراہم کردہ معلومات کے مطابق اسرائیلی طیاروں نے جنوبی غزہ کے شہر خان یونس میں دو پولیس چوکیوں پر حملہ کر کے 3 پولیس اہلکاروں اور ایک کم سن لڑکی سمیت تین شہریوں کو قتل اور چار کو زخمی کر دیا ہے۔
اس سے قبل ہفتے کے روز بھی غزہ کے مختلف علاقوں پر اسرائیلی گولہ باری اور فائرنگ کے نتیجے میں دو بھائیوں سمیت تین فلسطینی شہید اور چار فلسطینی زخمی ہوگئے تھے۔
فلسطین وزارت صحت کے اعداد و شمار کے مطابق، اسرائیلی فوج ، 10 اکتوبر سے نافذ جنگ بندی کی روزانہ خلاف ورزیاں کر رہی ہے۔ اوران خلاف ورزیوں کے دوران 18 مارچ تک 691 افراد کو قتل اور 1,876 کو زخمی کر چُکی ہے۔
واضح رہے کہ اسرائیل نے اکتوبر 2023 سے غزہ میں نسل کشی جنگ شروع کی اور جنگ کے دوران 72,000 سے زیادہ فلسطینیوں کو قتل اور تقریباً 172,000 کو زخمی کیا۔ علاوہ ازیں جنگ کے دوران محصور غزّہ کے شہری انفراسٹرکچر کا تقریباً 90 فیصد تباہ کر دیا۔
