امریکی صدر ڈونلڈ ٹرمپ نے کہا ہے کہ ایران کے ساتھ جاری بات چیت اب فون پر ہو رہی ہے۔

ٹرمپ نے بدھ کو وائٹ ہاؤس میں صحافیوں سے کہا کہ ہم ان کے ساتھ ابھی بات چیت کر رہے ہیں ، ہم اب ہر بار کاغذ کا ٹکڑا دیکھنے کے لیے 18 گھنٹے کا  سفر نہیں کر یں گے اب  ہم اسے ٹیلیفون کے ذریعے کر رہے ہیں۔

ایران اور امریکہ نے 11 اپریل کو پاکستان کے دارالحکومت اسلام آباد میں بات چیت کی لیکن 28 فروری کو شروع ہونے والی جنگ ختم کرنے کے لیے کوئی معاہدہ طے نہ پا سکا۔

یہ مذاکرات اس دو ہفتے کی جنگ بندی کے بعد ہوئے جو پاکستان نے 8 اپریل کو ثالثی کر کے طے کی تھی جسے بعد ازاں ٹرمپ نے بڑھایا اور جس کے باعث خصوصی نمائندے اسٹیو وِٹکوف اور جارڈ کشنر کی اس  اواخر ہفتہ   اسلام آباد  کا دورہ  منسوخ کر دیا گیا۔

ٹرمپ نے اعتراف کیا کہ وہ عام طور پر رو برو ملاقاتوں کو ترجیح دیتے ہیں۔

انہوں نے کہا کہ مجھے ہمیشہ رو برو ملنا پسند ہے میں اسے بہتر سمجھتا ہوں لیکن جب آپ کو ہر مرتبہ ملنے کے لیے 18 گھنٹے کی پرواز کرنی پڑے، اور آپ جانتے ہوں کہ میٹنگ کس بارے میں ہے تو  یہ مضحکہ خیز لگتا ہے۔