جاپان کی  موسمیاتی ایجنسی نے اعلان کیا ہے کہ مغربی جاپان میں6٫2 کی شدت  کا ایک طاقتور زلزلہ آیا ہے ، تا ہم سونامی کی کوئی وارننگ جاری نہیں کی گئی۔

زلزلہ منگل کو مقامی وقت کے مطابق  صبح 10 بجکر 18 منٹ پر  صوبہ شیمانے کے مشرقی حصے میں تقریباً 10 کلومیٹر کی گہرائی میں آیا۔

اب تک کسی جانی نقصان کی اطلاع نہیں ملی۔

کیوڈو نیوز ایجنسی کے مطابق  بعد ازاں کم شدت کے جھٹکے بھی ریکارڈ کیے گئے ہیں۔

آپریٹر چوگوکو الیکٹرک پاور کمپنی  نے اطلاع دی ہے کہ ماتسوے میں واقع شیمانے جوہری بجلی گھر میں ابتدائی زلزلے کے بعد کوئی غیر معمولی واقع رونما نہیں ہوا۔

حکام نے بجلی کے بند ہونے کے باعث مغربی جاپان میں بلٹ ٹرین خدمات روک دیں، جبکہ سانیو شنکانسن لائن کے  روانگی سفروں کو  اوکایاما اور ہیروشیما اسٹیشنز کے درمیان معطل کر دیا گیا ہے۔