ہائی ریڈیو ایکٹو مادّوں سے لدّے 7 عدد کاسٹر کنٹینر  انگلینڈ سے جرمنی  کی طرف روانہ ہو گئے ہیں۔

برطانوی کمپنی سیلافیلڈ کے جاری کردہ بیان کے مطابق ایک نجی بحری جہاز بدھ کے روز بارو۔ان۔فرنس بندرگاہ سے روانہ ہوا ہے۔ جہاز پر لدّے ریڈیو ایکٹو مادوں کے کنٹینر ایک جرمن بندرگاہ  سے ہوتے ہوئے زیریں باویریا  کے نیڈراش باخ  عارضی ڈپو میں لے جائے جا رہے ہیں۔

مذکورہ ایٹمی کچرہ جرمن پاور پلانٹوں سے آنے والے فیول  کے برطانیہ کے سیلافیلڈ  پلانٹوں میں دوبارہ استعمال کے بعد بچنے والے جوہری کچرے پر مشتمل ہے۔ جرمنی وفاقی جمہوریہ اور جرمن پلانٹ منتظمین نے یہ کچرہ واپس لینے کا وعدہ کیا ہے۔

سیلافیلڈ سے مزید 14 کنٹینر  واپس وصول کئے جائیں گے۔ جوہری خدمات کی کمپنی 'جی این ایس' کے جاری کردہ بیان کے مطابق مزید 7 کنٹینر برکڈورف لے جانے کا پروگرام بنایا جا رہا ہے۔سیلافیلڈ سے آنے والے 6 کنٹینر 2020 میں ببلیس  میں عارضی طور پر ذخیرہ کر لئے گئے تھے۔

فراہم کی گئی معلومات کے مطابق فرانس کے لا ہیگ کی پراسس تنصیب سے جوہری کچرے کی واپسی حالیہ 4 کیسٹر کنٹینروں کو 2024 میں فلپسبرگ پہنچائے جانے سے مکمل ہو گئی تھی۔1995 سے 2011 تک 100 سے زائد کنٹینر گولیبن  کے عارضی ڈپو  میں پہنچائے جا چُکے ہیں۔