امریکی افواج نے بحرِالکاہل میں منشیات اسمگلنگ کے شبہے میں ایک اور جہاز پر حملہ کیا ہے۔

امریکی جنوبی کمانڈ نے بدھ کو سوشل میڈیا ایکس سے جاری کردہ بیان میں کہا ہے کہ مشرقی بحرِالکاہل میں "منشیات اسمگلنگ میں ملّوث ایک دہشت گرد تنظیم کے بحری جہاز پر مہلک حملہ کیا گیا ہے۔

مزید کہا گیا ہے کہ "حملے میں 4 مرد نارکو۔دہشت گرد ہلاک ہوئے ہیں اور کسی امریکی فوجی کو نقصان نہیں پہنچا"۔

اس تازہ حملے  نے، امریکہ کے ستمبر میں بحیرہ کیریبین اور مشرقی بحرِالکاہل میں منشیات  اسمگلنگ میں ملّوث جہازوں پر حملے شروع کرنے کے بعد سے،  ہلاکتوں کی تعداد کو 99 تک پہنچا دیا ہے ۔

امریکہ کے صدر ڈونلڈ ٹرمپ نے وینزویلا کے ساحل کے نزدیک ایک بڑی عسکری تعیناتی کی  بھی نگرانی  کی اور رواں ہفتے سے کاراکاس سے آمد و رفت کرنے والے اور پابندیوں کے حامل تیل بردار جہازوں کی مکمل ناکہ بندی کا اعلان کیا ہے۔

یہ اقدامات وینزویلا کے صدر نکولس مادورو پر  دباؤ  میں اضافہ کر رہے ہیں ۔ مادورو کا دعویٰ ہے کہ امریکی مہم کا مقصد منشیات کی اسمگلنگ روکنا نہیں بلکہ حکومت میں تبدیلی لانا ہے۔