اقوام متحدہ کے سیکرٹری جنرل انتونیو گوتریس نے جمہوریہ کانگو کی حکومت اور ایم 23 باغی گروپ کے درمیان اصولوں کے اعلامیے پر دستخط کا خیر مقدم کیا، جسے باضابطہ طور پر 23 مارچ کی تحریک کے نام سے جانا جاتا ہے۔

انتونیو گوتریس نے اتوار کے روز ایک بیان میں کہا کہ میں ڈیموکریٹک  جمہوریہ کونگو کی حکومت اور اے ایف سی/ ایم 23 کے درمیان اصولوں کے اعلامیے پر دستخط کا خیر مقدم کرتا ہوں۔

انہوں نے مزید کہا کہ اقوام متحدہ قومی حکام، علاقائی اور بین الاقوامی شراکت داروں کے ساتھ قریبی تعاون  سے کونگو میں امن، شہریوں کے تحفظ اور استحکام کی کوششوں کی حمایت کرنے کے لئے پرعزم ہے۔

دونوں جماعتوں کے نمائندوں نے ہفتے کے روز اس اعلامیے پر دستخط کیے، جس کا مقصد ملک کے مشرقی حصے میں تشدد کو کم کرنا ہے۔

یہ معاہدہ روانڈا اور کونگو  کے درمیان 27 جون کو واشنگٹن میں ایک علیحدہ امن معاہدے پر دستخط کرنے کے چند ہفتوں بعد سامنے آیا ہے، جس سے لڑائی کے خاتمے کی امیدوں کو تقویت ملی ہے۔

ڈیموکریٹک جمہوریہ کونگو اور مغربی ممالک روانڈا پر الزام عائد کرتے ہیں کہ وہ 2021 میں ایم 23 باغیوں کی پشت پناہی کر رہا ہے۔

مشرقی  کونگو  میں تنازع کے مرکز میں موجود ایم 23 باغی گروپ کا اہم علاقے پر کنٹرول ہے، جس میں صوبائی دارالحکومت گوما اور بوکاوو شامل ہیں، جن پر اس نے اس سال کے اوائل میں قبضہ کر لیا تھا۔