شامی حکام کے مطابق، مشتبہ طحہ الزوبی، جسے ابو عمر طیبیہ بھی کہا جاتا ہے گزشتہ رات اپنے کئی ساتھیوں کے ساتھ گرفتار کر لیا گیا جو کہ داعش کے نام نہاد "والی" یا گورنر کے طور پر خدمات انجام دے رہا تھا۔
شام کے سرکاری ٹیلی ویژن چینل الاخباریہ نے امور داخلہ کے حوالے سے رپورٹ بتایا کہ "اتحادی افواج اور داخلی سلامتی یونٹس کی جانب سے کی جانے والی کارروائی کے نتیجے میں داعش کے نام نہاد دمشق کے گورنر کو گرفتار کر لیا گیا ہے ۔
شام کی سرکاری خبر رساں ایجنسی سانا سے بات کرتے ہوئے دمشق کے دیہی علاقے میں داخلی سلامتی کے سربراہ بریگیڈیئر جنرل احمد الدلاتی نے کہا کہ گرفتاری طویل تعاقب کے بعد ہوئی ہے ۔
انہوں نے کہا کہ یہ مشترکہ آپریشن وزارت داخلہ کے تحت خفیہ ایجنسی نے اتحادی افواج کے ساتھ مل کر معادمیہ ضلع میں سرگرم داعش کے خلاف کیا ہے ۔
الدالاتی نے کہا کہ الزوبی اور ان کے کئی ساتھیوں کو دھماکہ خیز جیکٹس پہنے ہوئے گرفتار کیا گیا۔
