نیویارک سٹی کے میئر ظہران ممدانی نے اپنے پیش رو  ایرک ایڈمز کے جاری کردہ متنازعہ ہدایت ناموں کے سلسلے کو  منسوخ کرنے والا ایگزیکٹو آرڈر  جاری کر دیا، ان میں وہ اقدامات بھی شامل ہیں جنہیں اسرائیل کے حق میں حمایت کے طور پر پیش کیا گیا تھا۔

ممدانی کے پہلے دن دفتر میں ان کے جاری کردہ ایگزیکٹو آرڈر کے مطابق، 26 ستمبر 2024 یا اس کے بعد دستخط شدہ اور 31 دسمبر 2025 تک لاگو رہنے  والی تمام ہدایات منسوخ کر دی گئیں۔ جبکہ اس سے پہلے کے ایگزیکٹو آرڈرز تب تک برقرار رہیں گے جب تک انہیں علیحدہ طور پر ترمیم یا منسوخ نہ کیا جائے۔

جمعرات کو سٹی ہال میں حلف برداری کے چند گھنٹوں کے اندر ممدانی نے یہ آرڈرز نافذ کر دیے، انہوں نے بروز جمعہ کہا تھا کہ وہ ایڈمز کے ایگزیکٹو آرڈر کی منسوخی پر قائم ہیں۔

اس اقدام سے درحقیقت کئی آرڈرز منسوخ ہو گئے، جن میں گزشتہ مہینے منظور کردہ وہ حکم بھی شامل تھا جس نے شہر کی ایجنسیوں کو اسرائیل کا بائیکاٹ یا سرمایہ اخراج کرنے سے روک دیا تھا۔

ایک اور منسوخ ہدایت نامہ، جو جون میں دستخط کیا گیا تھا، نے یہودی مخالفیت کی ایک وسیع تعریف کو تسلیم کیا تھا جو اسرائیل کی  طرف سے بعض قسم کی تنقید  یہودی مخالف قرار دی جاتی  تھی۔

اسرائیلی دفترِ خارجہ  نے  سوشل میڈیا پوسٹ میں ممدانی پر یہودی مخالفانہ رجحانات کو ہوا دینے کا الزام لگایا، اور کچھ تنظیموں جیسے UJA فیڈریشن آف نیو یارک نے بھی اس کے آرڈر پر تنقید کرتے ہوئے ایک بیان جاری کیا جس میں کہا گیا کہ انہوں  نے "یہودی مخالفیت کے خلاف اہم تحفظات" کو پلٹ دیا ہے۔

اسرائیلی دفترِ خارجہ  نے ایک پوسٹ میں کہا، "نیویارک سٹی کے میئر کے طور پر ممدانی  اپنے فرائض کے پہلے  ہی دن سے وہ اپنا اصل چہرہ دکھا دے رہے ہیں: انہوں نے اینٹی سیمیٹزم کی تشریح  کو ختم کر دیا  ہےاور اسرائیل کے بائیکاٹ پر پابندیوں کو اٹھا دیا۔"

تاہم، ممدانی نے شہر کے اینٹی سیمیٹزم سے نمٹنے والے دفتر کے قیام کو منسوخ نہیں کیا، جو پچھلی انتظامیہ نے قائم کیا تھا اور یہ  کام جاری رکھے گا۔

آرڈر میں یہ بھی کہا گیا کہ اس کا اطلاق اس وقت نافذ ایمرجنسی ایگزیکٹو آرڈرز پر نہیں ہوتا۔

ممدانی نے اپنی پوزیشن کا دفاع کرتے ہوئے پریس کانفرنس میں کہا کہ " نیو یارک  کے یہودیوں کا تحفظ میری انتظامیہ کی توجہ مرکز ہوگا" اور ان کے مطابق ایگزیکٹو آرڈرز پر ان کے اقدام نے انہیں "نیو یارکرز کے لیے ایک نئے دور کی شروعات کے کام پر لگنے کے لیے ایک صاف صفحہ" دے دیا ہے۔

ممدانی نے کہا، "میری انتظامیہ شہر کی حکومت ایسی ہوگی جو نفرت اور تقسیم کے خلاف اپنی کوششوں میں لاسمجھوتہ رہے گی۔" انہوں نے مزید کہا، "اور اس میں یہودی مخالفت کے ناسور سے لڑنا بھی شامل ہے۔

دی نیو یارک ٹائمز کے مطابق، ڈونا لیبر مین، جو نیویارک سول لبرٹیز یونین کی ایگزیکٹو ڈائریکٹر ہیں، نے کہا کہ منسوخ کیے گئے آرڈرز بظاہر آخری لمحے کے اقدامات تھے جو پچھلے میئر کے نا منظور شدہ نقطۂ نظر کو محدود کرنے کی کوشش کرتے تھے، اور یہ کہ نئی انتظامیہ کا انہیں واپس لینا کوئی تعجب کی بات نہیں۔

انہوں نے کہا، " اظہارِ رائے آپ کے نظریے پر منحصر نہیں ہوتا، اور یہ بات اسرائیل یا غزہ کے بارے میں اظہارِ رائے کے لیے درست ہے، اس تنازع کے بارے میں سیاسی سرگرمیوں کے لیے درست ہے، اور ہمارے سامنے آنے والے کسی بھی دوسرے سیاسی مسئلے کے لیے بھی یہی سچائی ہے۔"