پولینڈ کی ملٹری  پولیس اس بات کی تفتیش کر رہی ہے کہ ایک نامعلوم ڈرون  کس طرح فضائی حدود میں داخل ہو کر ملک کے شمال مشرق میں واقع ایک فوجی کمپاؤنڈ کے اندر جا کر تباہ ہو گیا ۔

یہ واقعہ 28 جنوری کو وارسا کے شمال میں تقریباً 90 کلومیٹر پر واقع Przasnysz میں دوسرے ریڈیو-الیکٹرانک سینٹر میں پیش آیا۔

 ریڈیو Zet نے رپورٹ کیا کہ ایک ڈیوٹی افسر نے  اڈے کے اوپر ڈرون کو اڑتے ہوئے دیکھاجس کے بعد وہ قابلِ کنٹرول نہیں رہا اور ہتھیاروں کے ذخیرے کے قریب گر گیا۔

سپاہیوں نے ڈرون  کے ملبے کو بحفاظت  تفتیش کے لیے ایک فوجی عمارت میں منتقل کر دیا ہے ۔

فوجی پولیس کے کمانڈر ان چیف کے ترجمان نے کہا کہ تفتیش کاروں نے اس ڈیوائس کو قبضے میں لے لیا ہے اور گواہوں کے بیانات ریکارڈ کرنے سمیت رسمی کارروائیاں شروع کر دی گئی ہیں۔

یہ واقعہ پولینڈ اور نیٹو کے دیگر ممالک میں حساس فوجی اور انفراسٹرکچر مقامات کے قریب غیر مجاز ڈرون سرگرمیوں کے حوالے سے بڑھتے ہوئے خدشات کو اجاگر کرتا ہے۔

اسی نوعیت کے واقعات جرمنی اور بالٹک ریاستوں میں بھی رپورٹ کیے گئے ہیں جہاں سیکیورٹی اداروں نے تربیتی میدانوں، بندرگاہوں اور توانائی کے اداروں کے قریب نامعلوم ڈرونز کے بار بار مشاہدات کی تفتیش کی ہے  جس نے جاسوسی اور دفاعی تیاریوں کی جانچ کے خدشات کو شدت دی ہے۔

وزارتِ دفاع نے ڈرون کے ماخذ، اس کی  قسم یا اس میں کیمرہ یا دیگر آلات کے ہونے کے بارے میں کوئی معلومات جاری نہیں کیں۔