امریکہ جلد ہی یو ایس ایس جیرالڈ آر۔ فورڈ کو مشرقِ وسطیٰ سے واپس بلا رہا ہے جہاں وہ دس ماہ تک تعینات رہا۔
واشنگٹن پوسٹ نے بدھ کو متعدد امریکی حکام کے حوالے سے بتایا کہ طیارہ بردار جہاز آنے والے دنوں میں وطن واپسی کا سفر شروع کرے گا۔
فوری طور پر واضح نہیں تھا کہ جہاز کب روانہ ہوگا، تاہم رپورٹ میں ایک اہلکار کے حوالے سے بتایا گیا کہ یہ طیارہ بردار جہاز مئی کے وسط کے قریب ریاستِ ورجینیا پہنچنے کی توقع رکھتا ہے۔
یو ایس ایس جیرالڈ آر۔ فورڈ اس خطے میں موجود تین طیارہ بردار بحری جہازوں میں سے ایک ہے جن میں یو ایس ایس جارج ایچ۔ ڈبلیو۔ بش اور یو ایس ایس ابراہم لنکن بھی شامل ہیں۔
فورڈ، جس پر تقریباً 4,500 ملاح سوار ہیں بحیرِ احمر میں موجود ہے جو کہ ایرانی بندرگاہوں کے خلاف امریکی ناکہ بندی میں حصہ نہیں لے رہا۔
وطن واپسی پر طیارہ بردار جہاز کو بار بار مسائل اور لانڈری روم کو پہنچنے والے نقصان کی وجہ سے وسیع پیمانے پر مرمت کی ضرورت ہوگی۔
یہ طیارہ بردار جہاز 309 دن سے تعینات ہےجو کسی بھی جدید امریکی جہاز کے لیے سب سے طویل معیاد ہے۔
فورڈ کو پچھلے سال 24 جون کو تعینات کیا گیا تھا،یہ نیول اسٹیشن نارفوک سے یورپ کے لیے روانہ ہوا پھر کیریبین اور بعد ازاں مشرقِ وسطیٰ کے لیے بحیرِ احمر بھیجا گیا تھا۔
