پیر کو ٹوکیو کی 'ٹویوسو مچھلی منڈی' میں سال کی پہلی نیلامی میں ایک سمندری مچھلی 510.3 ملین ین کی ریکارڈ بولی پر فروخت ہوئی ہے۔
شمال مشرقی جاپان کے صوبہ آوموری کے ساحل اُوما کے قریب شکار کی گئی، 243 کلوگرام وزنی نیلے پنکھ والی ٹونا کو ٹوکیو کی، مشہور سوشیزان مائی ریستوران زنجیر کو چلانے والی،'کیومورا کارپوریشن نے خریدا ہے۔
کیومورا کارپوریشن کے صدر کیوشی کیمورا نے کیوڈو نیوز ایجنسی کے حوالے سے کہا ہے کہ "سال کی پہلی ٹونا خوش قسمتی لے کر آئی ہے۔ ہم امید کرتے ہیں کہ زیادہ سے زیادہ لوگ اس کا لطف اٹھائیں اور توانائی محسوس کریں"۔
اس ٹونا کو سوشیزان مائی کے ٹسُکیجی مرکزی شعبے میں کاٹا جائے گا اور ملک بھر میں ریستوران کی شاخوں میں بھیجا جائے گا۔ ریکارڈ قیمت کے باوجود کمپنی نے اعلان کیا ہے کہ وہ صارفین کو یہ ٹونا معمول کی قیمت پر بیچے گی۔
ٹوکیو میٹروپولیٹن حکومت کے مطابق اس سال کی بولی 1999 سے تاحال کی نیلامیوں کی بلند ترین بولی تھی۔
نیلامی میں مختلف اقسام کی ٹونا مچھلی نیلام کی گئی اور بولی لگانے والوں اور بیچنے والوں کے درمیان جوش و خروش دیکھا گیا۔ اس سالانہ تقریب کو دیکھنے کے لیے متعدد غیر ملکی سیاح بھی آئے۔
روایتی طور پر خریدار سال کی پہلی نیلامی میں بڑی رقم خرچ کرتے ہیں، کیونکہ مانا جاتا ہے کہ یہ خوش قسمتی لاتی ہے اور ریستورانوں کو مارکیٹنگ کے اس موقع سے فائدہ اٹھانے کا موقع فراہم کرتی ہے۔
