ٹرکش ایئر لائنز نے 150 بوئنگ 737 MAX طیاروں کی خریداری کا معاہدہ مکمل کر لیا ہے۔ یہ بوئنگ کو دیا گیا اب تک کا سب سے بڑا سنگل آئل ایئر کرافٹ آرڈر ہے۔

 مذاکرات کے بعد طے پانے والا یہ معاہدہ، مختصر اور درمیانے فاصلے کے فلائٹ نیٹ ورک کی مضبوطی کی خاطر، ائیرلائن کی طویل مدتی ترقی حکمت عملی کا حصہ ہے۔ معاہدے کو ترکیہ کے صدر رجب طیب اردوعان کی موجودگی میں حتمی شکل دی گئی۔

 معاہدے کے دائرہ کار میں، ترکش ایئرلائنز نے 100 بوئنگ 737-8 طیاروں کا  آرڈر دیا اور 50 اضافی بوئنگ 737 MAX طیاروں کا موقع  حاصل کیا ہے۔ معاہدہ ایئرلائن کو بڑی صلاحیت والے بوئنگ 737-10 ماڈل میں تبدیل کرنے کی لچک دے کرفضائی بیڑے کو مسافروں کی طلب کے مطابق شکل دینے کی اجازت دیتا ہے۔

 ترکش ایئر لائن کے بورڈ ممبر مرات شیکر نے اس معاہدے کو بیڑے کی توسیعی حکمت عملی کے مطابق ایک اہم قدم قرار دیا اور کہا کہ نئے طیارے استنبول  سے کی جانے والی پروازوں کو زیادہ موئثر بنائیں گے۔