غزّہ میں جاری جنگ اور مشکلات کے باوجود، مسیحی برادری نے غزہ شہر کے مقدس خاندانی چرچ میں جمع ہو کر، بمطابق مغربی کیلنڈر،  ایسٹر کا تہوار منایا۔

سخت انسانی حالات کے باوجود اپنی مذہبی روایات سے وابستہ عیسائیوں نے، حضرت عیسیٰ  علیہ سلام کے ظہورِ عیسیٰ پر اعتقاد کی تقویت کے لئے، منعقدہ عبادات میں شرکت کی۔

7 اکتوبر 2023 کو اسرائیل کی جانب سے شروع کئے گئے فوجی آپریشن کے بعد سے غزہ میں مسیحی برادری کے متعدد افراد گھروں اور گرجا گھروں پر حملوں میں اپنی جانوں سے ہاتھ دھو بیٹھے ہیں۔

موصول معلومات کے مطابق  بنیادی اشیائے ضروریہ کی قلت نے ایسٹر کی تقریبات کو بھی متاثر کیا ہے اور بجلی، پانی اور خوراک کے ذخائر، حتیٰ کہ روایتی ایسٹر تقریبات میں استعمال ہونے والے انڈے بھی کم ہوتے جا رہے ہیں۔

واضح رہے کہ اسرائیل یوں تو  کئی برسوں سے غزہ میں داخل اور خارج ہونے والے سامان کے بہاؤ کو کنٹرول کرتا  چلاآ رہا ہے لیکن موجودہ فوجی کارروائی کے دوران یہ کنٹرول مزید سخت ہو گیا ہے۔

غزہ سے آنے والی تصاویر ظاہر کرتی ہیں کہ ایسٹر کا تہوار قلت اور جاری تنازعے کے ماحول میں کیسے منایا جا رہا ہے۔