امریکہ، جنوبی کوریا اور جاپان نے سہ فریقی کثیر الجہتی فوجی مشقیں شروع کر دی ہیں۔

جنوبی کوریا ذرائع ابلاغ کے مطابق آج بروز پیر شروع ہونے والی ان مشقوں کو  شمالی کوریا  کی طرف سے لاحق 'عسکری خطرات' کے مقابل تین طرفہ دفاعی تعاون کو گہرا کرنے کی کوشش قرار دیا  جا رہا ہے۔

یونہاپ خبر ایجنسی کی سیول کے فوجی ذرائع کےحوالے سے جاری کردہ خبر کے مطابق 'فریڈم ایج' نامی یہ  مشقیں جنوبی کوریا کے جنوبی جزیرے جےجو کے قریب بین الاقوامی پانیوں میں 15 سے 19 ستمبر تک جاری رہیں گی۔

'جنوبی کوریا جوائنٹ چیفس آف اسٹاف کے ترجمان یانگ سنگ-کوان نے صحافیوں کو بتایا ہے کہ  فریڈم ایج' مشقوں کا مقصد شمالی کوریا کے بڑھتے ہوئے جوہری اور میزائل خطرات کو روکنا اور ان کا جواب دینے کی صلاحیتوں کو مضبوط کرنا ہے ۔

مذکورہ مشقیں، گذشتہ سال جون اور نومبر میں منعقد ہونے والے مشقوں کے بعد،  سہ فریقی مشقوں کا تیسرا دور ہیں اور امریکی صدر ڈونلڈ ٹرمپ اور ان کے جنوبی کوریائی ہم منصب لی جے میونگ کے عہدہ سنبھالنے کے بعد پہلی دفعہ منعقد ہو رہی ہیں۔

مشقوں میں بیلسٹک میزائل دفاعی صلاحیتوں کو بہتر بنانے، فضائی دفاعی مشقیں، طبی انخلا کی تربیت اور سمندری روک تھام کی کارروائیوں کی تربیت شامل ہے۔