اسرائیلی پولیس نے مقبوضہ مشرقی  القدس کے محلے سلوان میں فلسطینی وزیرِ برائے امورِ  القدس  اشرف الاعور کو ان کی رہائش گاہ سے  گرفتار کر  لیا۔

اسرائیلی پولیس نے فوری طور پر اس حراست کی وجہ کے بارے میں کوئی بیان جاری نہیں کیا۔

گزشتہ سال، اسرائیلی حکام نے الاعور کے مقبوضہ مغربی کنارے میں داخلے پر چھ ماہ کے لیے پابندی کا حکم جاری کیا تھا جس میں بعد میں توسیع کر دی گئی تھی۔

فلسطینی وزارتِ برائے امورِ  القدس  مقبوضہ مغربی کنارے کے قصبے الرام میں واقع ہے، جبکہ فلسطینی حکومت کے اجلاس رام اللہ میں منعقد ہوتے ہیں۔

اسرائیلی حکام نے اکتوبر 2023 میں غزہ کے خلاف نسل کشی پر مبنی جنگ کے آغاز کے بعد سے، مقبوضہ مشرقی  القدس  میں فلسطینیوں کی کھیلوں، سماجی، سیاسی اور اقتصادی سرگرمیوں پر پابندیاں مزید سخت کر دی ہیں۔

اسرائیلی حکام غیر قانونی بستیوں کی تعمیر اور فلسطینیوں کے گھروں کو مسمار کرنے کے عمل میں بھی اضافہ کر رہے ہیں، جبکہ اسرائیلی غیر قانونی آباد کاروں کے مسجدِ اقصیٰ کے احاطے پر چھاپوں کو آسان بنا رہے ہیں اور وہاں عبادت گزاروں اور خطیبوں کے داخلے کو روک رہے ہیں۔

فلسطینیوں کا مؤقف ہے کہ مقبوضہ مشرقی  القدس  ان کی مستقبل کی ریاست کا دارالحکومت ہے، جبکہ اسرائیل پورے شہر کو اپنا دارالحکومت مانتا ہے۔

 اس دعوے کو بین الاقوامی برادری کی جانب سے بڑے پیمانے پر مسترد کیا جاتا ہے۔