ثقافت
3 منٹ پڑھنے
اسرائیلی فلم سازوں کی شہریت منسوخ کروادوں گا:اسرائیلی وزیر
فلم میں غزہ پر فوجی حملوں کو نسل کشی کے طور پر پیش کیا گیا ہے۔ زوہر نے اس فلم کو "وطن سے غداری" کے مترادف قرار دیتے ہوئے کہا کہ وہ فلم کے ہدایت کاروں یوول ابراہام  اور راچل زوشر  کی شہریت منسوخ کرانے کے لیے فوری طور پر کارروائی کریں گے
اسرائیلی فلم سازوں کی شہریت منسوخ کروادوں گا:اسرائیلی وزیر
اسرائیل / AP
 

اسرائیلی وزیر ثقافت مکی زوہر نے سوشل میڈیا پلیٹ فارم ایکس  پر اپنی ایک پوسٹ میں دستاویزی فلم "NAZA" کو "مکروہ" قرار دیتے ہوئے، بین الاقوامی وینس فلم فیسٹیول میں اس کے لیے "جیوری اسپیشل ایوارڈ" کے اعلان کو "حیران کن" اور صدمہ پہنچانے والا قرار دیا ہے۔

یہ دستاویزی فلم اسرائیلی فوج کے ان اہلکاروں کے اعترافات پر مبنی ہے جو فلسطینیوں کی جاسوسی اور دور بیٹھ کر انہیں نشانہ بنانے والے میکانزم میں شامل رہے ہیں۔

 فلم میں غزہ پر فوجی حملوں کو نسل کشی کے طور پر پیش کیا گیا ہے۔ زوہر نے اس فلم کو "وطن سے غداری" کے مترادف قرار دیتے ہوئے کہا کہ وہ فلم کے ہدایت کاروں یوول ابراہام  اور راچل زوشر  کی شہریت منسوخ کرانے کے لیے فوری طور پر کارروائی کریں گے۔

مکی زوہر نے اپنی پوسٹ میں لکھا کہ یہ بالکل وہی وجہ ہے جس کے تحت میں نے سینما کی دنیا میں ایک بڑی اصلاح کا آغاز کیا ہے، تاکہ اسرائیلی شہریوں کو اپنی جیبوں سے اسرائیلی فوج کے سپاہیوں اور ریاستِ اسرائیل کو پہنچنے والے نقصان کی قیمت نہ چکانی پڑے۔

وزیر ثقافت کی حیثیت سے، میں ریاست کے ساتھ غداری کرنے والے ان کمینے تخلیق کاروں کی اسرائیلی شہریت فوری طور پر منسوخ کرنے کے لیے کارروائی کروں گا۔

واضح رہے کہ اٹلی میں منعقدہ 83ویں بین الاقوامی وینس فلم فیسٹیول میں غزہ میں اسرائیل کے ہاتھوں سویلین ہلاکتوں کی دستاویز کاری کرنے والی فلم "NAZA" کو "جیوری اسپیشل ایوارڈ" سے نوازا گیا ہے۔


فلم کا نام "NAZA" اسرائیلی فوج کے اس ضابطے کی طرف اشارہ کرتا ہے جو کسی بھی حملے میں مردوں، عورتوں اور بچوں سمیت "توقع کے مطابق ہلاک ہونے والے عام شہریوں کے لیے استعمال کیا جاتا ہے۔

دستاویزی فلم کی تیاری میں شرکاء کے تحفظ کو یقینی بنانے کے لیے انٹرویو کے مختلف اور خفیہ طریقے استعمال کیے گئے ہیں۔ یہ فلم 3 سال کے عرصے کے دوران تل ابیب کی چھتوں پر خفیہ طور پر فلمائی گئی۔ ڈیجیٹل تکنیک کا استعمال کرتے ہوئے شرکاء کی شناخت، آواز اور چہروں کو تبدیل کر کے چھپایا گیا ہے۔ فلم میں انٹرویو دینے والے سابق فوجیوں نے غزہ میں اسرائیلی فوج کی جانب سے استعمال کیے جانے والے "خفیہ نظام" اور پسِ پردہ طریقوں کی تفصیلات سے پردہ اٹھایا ہے۔

فلم کا حصہ بننے والے افراد نے اسرائیلی حملوں میں استعمال ہونے والے نگرانی کے جدید نظاموں اور طویل فاصلے سے کی جانے والی بمباری کی تفصیلی وضاحت کی ہے۔ ان کے مطابق، اس آپریشن میں مصنوعی ذہانت (AI) کا استعمال کر کے حماس کے ممکنہ اہداف کی نشاندہی کی جاتی ہے اور زیادہ تر ان گھروں اور اپارٹمنٹس کو بمباری کا نشانہ بنایا جاتا ہے جہاں خاندان رہ رہے ہوتے ہیں۔ فلم میں اسرائیلی فوجی انٹیلی جنس افسران اور ڈیوٹی پر موجود اہلکاروں کے براہِ راست بیانات اور گواہیاں شامل ہیں۔

جمعرات کے روز اپنے باضابطہ پریمیئر کے بعد، اس دستاویزی فلم نے ہفتے کے روز فیسٹیول کا باوقار 'اسپیشل جیوری ایوارڈ' جیتا۔

 پریمیئر کے اختتام پر ہال میں موجود شائقین نے تقریباً 25 منٹ تک کھڑے ہو کر تالیاں بجائیں اور فلم کو زبردست داد دی۔



 

دریافت کیجیے
ٹی آر ٹی بین الاقوامی دستاویزی فلم ایوارڈ کے لیے درخواستوں کا آغاز ہو گیا
کنسرٹ ہالوں کے منتظمین رکاوٹیں کھڑی کر رہے ہیں: میکلمور
سمندری راستوں کی دریافت: ترکیہ کے ساحل پر ملنے والا دنیا کا قدیم ترین بحری جہاز
ترک خاتون اول امینہ ایردوان نے امام بخاری کے مزار پر حاضری دی
کینیڈا میں فوجی اڈے میں دھماکے پر ترکیہ کا اظہارِ تعزیت
ٹرمپ نوبل امن پرائز  کے انتخاب کو ٹرمپ نے "شرمناک" قرار دیا اور ناروے پر کڑی نکتہ چینی کی
صدر رجب طیب اردوان کا استنبول کے 103 ویں یوم ِنجات پر خصوصی پیغام
صدر ایردوان: قومی زبان کا تحفظ، اپنے مستقبل کو تحفظ دلانے کا مفہوم رکھتا ہے
ہسپانوی شہر لیئیدا میں عوامی مقامات پر برقع اور نقاب پر پابندی عائد کردی گئی
فلم 'نازا': اسرائیلی استحصالی اور نسل کُش نظام کے اندر سے اٹھنے والی گواہیاں
صدر ایردوان کا یوم غازی کے حوالے سے پیغام
یورپ میں تعلیمی بحران: PISA کے نتائج تاریخ کی کم ترین سطح پر
بیلجین صوبائی حکومت  نے ایک معلمہ کو اسکول میں حجاب پہننے کے جواز میں برطرف کر دیا
"نازا" غزہ نسل کشی کے پس پردہ عوامل پر مبنی فلم
ترکیہ میں عجائب گھروں کی تعداد 2025 میں سالانہ 4.4 فیصد بڑھ کر 664 ہو گئی
اناطولیہ کی روایتی لذتیں COP31 کے دست خوانوں کی زینت بنیں گی
کنٹری میوزک کی مایہ ناز گلوکارہ ڈولی پارٹن انتقال کر گئیں
ایردوان: "جب  ہمارے وطن، ریاست اور قوم کے مستقبل کی بات ہوتی ہے، ہم سر خم نہیں کرتے"
ترکیہ نے یومِ آزادی کے موقع پر 'دوست اور برادر ملک' پاکستان کو مبارکباد دی
امریکہ کا 250 واں یومِ آزادی، طوفانی بارش کے باعث صدر ٹرمپ کی تقریر ادھوری رہ گئی