شمالی کوریا نے اعلان کیا ہے کہ اس نے شمال مشرقی بندرگاہی شہر چونگ جن کے ایک گھاٹ پر حال ہی میں ڈوبنے والے تباہ کن بحری جہاز کو ٹھیک کر لیا ہے اور اس کی مرمت کی کوششیں جاری رکھی ہیں۔

رہنما کم جونگ ان نے اس جہاز کو اپنے ملک کی جوہری ہتھیاروں سے لیس فوج میں ایک بڑا اضافہ قرار دیا ہے۔

شمالی کوریا کی سینٹرل نیوز ایجنسی کی جانب سے جاری کردہ تازہ ترین معلومات جنوبی کوریا کے فوجی جائزوں اور سیٹلائٹ تصاویر سے مطابقت رکھتی ہیں جس سے ظاہر ہوتا ہے کہ جہاز اب بندرگاہ میں تیر رہا ہے۔

 شمالی کوریا کی ویب سائٹ 38 نارتھ کے مطابق اس جہاز کو ہمسایہ بندرگاہ راجن میں خشک گودی میں مزید بحالی کے لیے تیار کیا جا رہا ہے جس میں سات سے دس دن لگ سکتے ہیں۔

یہ جنگی جہاز مئی کے اواخر میں ایک ناکام لانچنگ تقریب کے دوران ڈوب گیا تھا، جس کے بعد کم جونگ ان نے اس حادثے کی شدید مذمت کرتے ہوئے اسے 'مکمل لاپرواہی، غیر ذمہ داری اور غیر سائنسی تجربے کی وجہ سے ہونے والا مجرمانہ عمل' قرار دیا تھا۔

 حکمراں ورکرز پارٹی کے اسلحے کی صنعت کے محکمے کے ڈپٹی ڈائریکٹر سمیت کم از کم چار عہدیداروں کو حراست میں لے لیا گیا ہے۔

 جنوبی کوریا کی فوج کے ترجمان لی سنگ جون کا کہنا ہے کہ شمالی کوریا نے رواں ہفتے کے اوائل میں تباہ کن جہاز کو کامیابی کے ساتھ درست کر لیا ہے اور ممکنہ طور پر وہ نکاسی آب اور نقصانات کا تخمینہ لگا رہا ہے۔