ترکیہ کے شمال مغربی صوبے بالک ایسر میں ایک ایف-16 محارب طیارہ گِر گیا اور طیارے کا پائلٹ شہید ہو گیا ہے۔

ترکیہ وزارتِ دفاع کے جاری کردہ بیان کے مطابق  طیارے نے،بروز منگل،بالک ایسر کے 9ویں مرکزی جیٹ بیس کمانڈ سے  بمطابق مقامی وقت 12 بج کر 56 منٹ پر  پرواز کی۔ پرواز سے مختصر مدّت کے بعد طیارے کا راڈا ر سے رابطہ منقطع ہو گیا۔

بیان میں کہا گیا ہے کہ طیارے کا ملبہ مِل گیا ہے اور تلاش و بچاؤ کے آپریشن فوری طور پر شروع کر دیئے گئے ہیں۔

وزارت دفاع نے پائلٹ کے شہید ہونے کی اطلاع دی اور  کہا ہے کہ ہم شہید پائلٹ کے لئے اللہ سے رحمت و مغفرت  کے طلبگار ہیں اور شہید کے کنبے ،ترک مسلح افواج  اور  پوری قوم سے اظہارِ تعزیت  کرتے ہیں۔ حادثے کی وجہ کریش معائنہ ٹیم کی تفتیش کے بعد معلوم ہو گی"۔

بالک ایسر کے گورنر اسماعیل اوستا اوغلو نے بھی پائلٹ کے اہل خانہ سے تعزیت کا اظہار کیا ہے۔