اسرائیلی فوج نے فائر بندی کے باوجود جاری فوجی کاروائیوں کے حوالے سے  آج بروز پیر جاری کردہ وارننگ میں کہا ہے کہ جنوبی لبنان کے رہائشی سرحدی علاقوں اور بعض دیہاتوں کے قریب آنے  سے گریز کریں۔

فوج کے ترجمان آویخائے ادراعی نے سوشل میڈیا ایکس سے جاری کردہ بیان میں جنوبی لبنان کے متعدد مقامات کی فہرست جاری کی اور شہریوں کو بعض دیہاتوں اور ان کے اطراف پر محیط لکیر کے جنوب کی طرف "حرکت کرنے سے باز رہنے"کی وارننگ دی ہے۔  

انہوں نے مقامی باشندوں کو دریائے لیطانی، وادی السلحانی اور سلوکی پر مشتمل علاقوں سے دُور رہنے  کی بھی وارننگ دی ہے۔

ادراعی نے مزید کہا ہے کہ شہریوں کو سرحد کے قریبی  نقورا، مارون الراس، بنت جبیل، عیتا الشعب اور میس الجبل سمیت درجنوں دیہاتوں میں واپس نہ آنے کی بھی تلقین کی گئی ہے۔

لبنانی حکام کے مطابق لبنان کے خلاف 2 مارچ سے جاری  اسرائیلی  کارروائی میں تقریباً 2,300 افراد ہلاک، 7,500 سے زائد زخمی اور ایک ملین سے زیادہ بے گھر ہو چکے ہیں۔

یہ اطلاع کردہ خلاف ورزیاں گزشتہ جمعرات سے نافذ العمل 10 روزہ عارضی جنگ بندی کے بعد سامنے آئی ہیں ۔