یورپی یونین کی خارجہ پالیسی کی سربراہ کاجا کالاس نے اتوار کے روز اس بات پر تشویش کا اظہار کیا کہ اسرائیل نے  القدس کے لاطینی پٹرک کو پام سنڈے کے موقع پر چرچ آف ہولی سیپلچر میں شرکت سے روک دیا، انہوں نے  اس فیصلے کو "مذہبی آزادی کی خلاف ورزی" قرار دیا۔

کالاس نے 'ایکس' پر  اپنی پوسٹ میں لکھا ہے: "اسرائیلی پولیس کی طرف سے  یہ نازیبا اقدام  مذہبی آزادی اور مقدس مقامات کے طویل المدتی تحفظات کی خلاف ورزی ہے۔"

انہوں نے القدس میں عبادت کی آزادی کو "بلا استثنا، تمام مذاہب کے لیے" مکمل طور پر یقینی بنانے کا مطالبہ کیا اور کہا کہ "القدس  کے کثیرالمذہب کردار کا تحفظ لازم  و ملزوم ہے۔"

اسرائیلی پولیس نے یروشلم کے لاطینی پیٹرک ،   کارڈینل پیئرباتستا پزّابلا کو پام سنڈے کی عیسائی مذہبی رسم  منانے کے لیے چرچ آف ہولی سیپلچر میں داخل ہونے سے روک دیا۔

ایک بیان میں یروشلم کے لاطینی پیٹرک نے کہا کہ یہ واقعہ صدیوں میں پہلی بار ہوا ہے  جب چرچ کے رہنماؤں کو ہولی سیپلچر، جو عیسائیت کے انتہائی مقدس مقامات میں سے ایک ہے، وہاں پام سنڈے منانے سے روکا گیا۔

گزشتہ جمعہ کے بعد سے، اسرائیلی حکام چوتھے متواتر ہفتے کے لیے القدس کی مسجد الاقصیٰ، جو اسلام میں تیسرا مقدس ترین مقام ہے، میں مسلمانوں کو جمعہ کی نماز ادا کرنے سے روک رہے ہیں، اور اسے ایران کے ساتھ جنگ سے متعلق ہنگامی اقدامات کے تحت فروری کے آخر سے بند رکھا گیا ہے۔