ترکیہ نے جمہوریہ کانگو کے مشرق میں واقع ایک معدنی کان میں لینڈ سلائیڈنگ کے باعث ہونے والے جانی نقصان  پر تعزیت کا اظہار کیا ہے۔

ترکیہ وزارتِ خارجہ نے آج بروز اتوار جاری کردہ بیان میں کہا ہے کہ "ہم، تمام متاثرہ کنبوں اور  جمہوریہ کانگو کے عوام کے ساتھ اظہارِ تعزیت کرتے  اور زخمیوں کی جلد صِحت یابی کے متمنی  ہیں"۔

واضح رہے کہ کانگو کے شمالی صوبے کیوو میں بروز  بدھ' روبایا کولٹن کان' میں لینڈ سلائڈنگ  کے نتیجے میں 200 سے زائد افراد ہلاک ہوگئے تھے۔