ہندوستانی حکام نے موسمیاتی طوفان 'موراسو'  کے پیشِ نظر ملک کے مشرقی ساحلی علاقوں سے مکینوں کی منتقلی شروع کر دی ہے۔

 اس شدید طوفان کے منگل کی صبح سویرے ساحل سے ٹکرانے کا امکان ہے۔

ہندوستان کے محکمہ موسمیات  نے پیش گوئی کی ہے کہ یہ طوفان منگل کی صبح سویرے ساحل سے ٹکرائے گا، جس سے  آبادی کے لیے شدید بارشوں اور تیز ہواؤں کا خطرہ پیدا ہو جائے گا۔

آندھرا پردیش اسٹیٹ ڈیزاسٹر مینجمنٹ اتھارٹی کے ڈائریکٹر جنرل پراکھر جین نے روئٹرز کو بتایا کہ پیر تک لگ بھگ 2,000 افراد کو محفوظ مقامات پر منتقل کیا جا چکا ہے جبکہ مزید 30,000 افراد کے انخلا  کی تیاریاں جاری ہیں۔