واشنگٹن پوسٹ نے آج بروز اتوار دفاعی حکام کے حوالے سے شائع کردہ خبر میں کہا ہے کہ امریکہ وزارتِ دفاع 'پینٹاگون' نے تقریباً 1,500 فعال ڈیوٹی فوجیوں کو ریاستِ منی سوٹا میں ممکنہ تعیناتی  کے لیے تیار رہنے کے احکامات جاری  کر دیئے ہیں۔

خبر  کے مطابق فوج نے ریاست میں تشدّد میں اضافے کے احتمال  کی وجہ سے  یونٹوں کو تعیناتی کے لئے تیاری کی حالت میں رکھا ہوا ہے۔  

یہ قدم صدر ڈونلڈ ٹرمپ کی طرف سےبغاوت ایکٹ نافذ کرنے کی دھمکی کے بعد اٹھایا گیا ہے۔  

ٹرمپ نے بروز جمعرات ٹرتھ سوشل سے جاری کردہ بیان میں کہا ہے کہ "اگر منی سوٹا کے بدعنوان سیاستدانوں  نے قانون کی پابندی نہ کی اور پیشہ ور فسادیوں اور بلوائیوں  کوامیگریشن کسٹم محافظوں  پر حملوں  سے نہ روکا  ،کہ  جو صرف  اپنا کام سرانجام دے رہے ہیں، تو میں بغاوت ایکٹ نافذ کر دوں گا"۔

پینٹاگون اور وائٹ ہاؤس نے موضوع کے بارے میں بیان کی درخواستوں کا کوئی فوری جواب نہیں دیا۔