ترکیہ
2 منٹ پڑھنے
جنوبی کوریا کے ساتھ تعلقات کو اہمیت دیتے ہیں:ایردوان
میزبان صدر لی کے ساتھ ملاقات میں اقتصادی اور تجارتی تعلقات کو ترجیحی ایجنڈے کے طور پر بتاتے ہوئے صدر ایردوان نے کہا کہ ایک اور اہم موضوع نیوکلیئر انرجی اور مائننگ پر مشتمل تھا
جنوبی کوریا کے ساتھ تعلقات کو اہمیت دیتے ہیں:ایردوان
ایردوان،جونگ میانگ

صدر رجب طیب ایردوان نے کہا ہے کہ "ہم جدید ٹیکنالوجی کے شعبوں میں کوریا کے ساتھ تعاون کو بڑی اہمیت دیتے ہیں۔"

جنوبی کوریا کے صدر لی جے میانگ  کی دعوت پر سیول کے دورے پر موجود ا یردوان  نے وفود کی سطح پر ہونے والے مذاکرات کے بعد منعقدہ مشترکہ پریس کانفرنس سے خطاب کیا۔

ترکیہ اور جنوبی کوریا کے درمیان تاریخی دوستی کی بنیادوں کو یاد دلاتے ہوئے، جو 76 سال قبل کوریا کی جنگ میں کوریا کی آزادی کے لیے ترک فوجیوں  کی قربانیوں سے رکھی گئی تھیں، ایردوان  نے اس بات پر زور دیا کہ باہمی رابطے دونوں ممالک کے درمیان تعاون کو متحرک اور مستقبل پر مرکوز انداز میں آگے بڑھائیں گے۔

میزبان صدر لی کے ساتھ ملاقات میں اقتصادی اور تجارتی تعلقات کو ترجیحی ایجنڈے کے طور پر بتاتے ہوئے صدر ایردوان نے کہا کہ ایک اور اہم موضوع نیوکلیئر انرجی اور مائننگ (معدنیات) پر مشتمل تھا۔

ایردوان نے کہا کہ "ہم خاص طور پر بیٹری کی پیداوار،مصنوعی ذہانت اور سیمی کنڈکٹرز سمیت کئی جدید ٹیکنالوجی کے شعبوں میں کوریا کے ساتھ تعاون کو بہت اہمیت دیتے ہیں۔ جیسا کہ آپ جانتے ہیں، دفاعی صنعت ان اولین شعبوں میں شامل ہے جہاں ہماری اسٹریٹجک شراکت داری کے ٹھوس نتائج برآمد ہوئے ہیں ، محترم صدر کے ساتھ ملاقات میں ہم نے فر طنہ ہووٹزر  اور التائے ٹینک  جیسے کامیاب مشترکہ منصوبوں کی تعداد بڑھانے کی ضرورت پر زور دیا۔"

 ترک صدر نے ان الفاظ کا استعمال کرتے ہوئے کہ "بین الاقوامی معاملات پر ہمارے خیالات کافی حد تک یکساں ہیں، ہم جزیرہ نما کوریا میں مستقل امن اور استحکام کے قیام کے لیے بات چیت پر مبنی نقطہ نظر کی حمایت کرتے ہیں،" اس بات پر زور دیا کہ وہ اقوام متحدہ، میکٹا  اور جی 20  سمیت کثیر الجہتی پلیٹ فارمز پر تعاون کو پوری انسانیت کے فائدے کی خاطر مزید آگے بڑھانے کے لیے پرعزم ہیں۔

 

دریافت کیجیے
میں، کیوبا کا معاملہ حل کرنا چاہتا ہوں: ٹرمپ
امریکہ: ٹرمپ اور شی، پوتن کے ساتھ جوہری تخفیفِ اسلحہ پر بات کر سکتے ہیں
ہرمز سے بلا اجازت جو جہاز گزرا ہماری زد میں ہوگا: پاسداران انقلاب
ہسپتالوں پر حملے جرم ہیں:غزہ وزارت صحت
پاکستان:دہشتگردوں کا گھات لگا کر پولیس پر حملہ،متعدد ہلاک و زخمی
ماحول عدم اعتماد کامگر مذکرات میں پیش رفت کا امکان ہے:زیلنسکی
ترک خواتین کی باسکٹ بال ٹیم نے مونٹی نیگرو کو شکست دے دی
امریکہ کسی مغالطے میں نہ رہے، اسے بھی نشانہ بنا سکتے ہیں:ایران
پاکستان: آنکھوں کے معائنے کے بعد عمران خان کو دوبارہ جیل منتقل کر دیا گیا
ٹی آر ٹی بین الاقوامی دستاویزی فلم ایوارڈ کے لیے درخواستوں کا آغاز ہو گیا
اسرائیل نے مقبوضہ مغربی کنارے کی فلسطینی زمینوں پر قبضے کے احکامات جاری کر دیئے
ٹرمپ اور نیتن یاہو کے درمیان اختلافات پیدا ہو گئے
ایران کے ڈر سے امریکی وزیر خزانہ گھر چھوڑ گئے
جنوبی کوریا: بس حادثہ 48 افراد زخمی
کمبوڈیا: اسکول بس تالاب میں جا گری، 5 طالبات ہلاک