ایران نے  آبنائے ہرمز کو دوبارہ کھولنے، امریکی بحری محاصرے کو ختم کرنے اور ایران و لبنان میں جنگ کا مستقل خاتمہ کرنے کے لیے ایک ماہ کی مدت مقرر کر دی ہے۔

تہران نے جمعرات کو واشنگٹن کو فریم ورک معاہدے کے طور پر 14 نکاتی نظرِ ثانی شدہ پیشکش بھیجی۔

دستاویز سے آگاہ دو ذرائع کے مطابق، اس میں سمندری رسائی، امریکی بحری محاصرے کے خاتمے اور دونوں محاذوں پر پائیدار جنگ بندی پر معاہدہ طے کرنے کے لیے سخت ایک ماہ کی ٹائم لائن رکھی گئی ہے۔

ہفتہ کو صحافیوں  نے جب ان سے پوچھا  کہ کیا وہ نئے حملے کا حکم دے سکتے ہیں تو امریکی صدر ڈونلڈ ٹرمپ نے کہا کہ  اگر وہ بدسلوکی کریں، اگر وہ کوئی برا کام کریں، لیکن ابھی کے لیے دیکھیں گے۔ یہ ممکن ہے کہ ایسا ہو جائے۔

ذرائع کے مطابق یہ پیشکش ابتدائی معاہدے کے طے پانے کے بعد ہی دوسرے مرحلے کا تصور کرتی ہے، جو جوہری پروگرام پر مرکوز اضافی ایک ماہ کی بات چیت شروع کرے گا۔

حالانکہ ٹرمپ نے جمعہ کو کہا تھا کہ وہ ایرانی پیشکش سے ناخوش ہیں، انہوں نے ہفتہ کو پام بیچ سے میامی روانگی سے پہلے صحافیوں سے کہا کہ وہ پرواز کے دوران اس کا جائزہ لیں گے۔

انہوں نے کہا  کہ میں اسے دیکھ رہا ہوں، میں بعد میں آپ کو بتا دوں گا ۔ انہوں نے مجھے معاہدے کے تصور کے بارے میں بتایا۔ وہ اب مجھے درست الفاظ بتائیں گے۔"

چند  لمحوں بعد ہی  ٹرمپ نے ٹروتھ سوشل پر کہیں زیادہ سخت لہجہ اپنایا اور کہا کہ وہ "تصور بھی نہیں کر سکتے کہ یہ قبول شدہ ہوگا" اور زور دیا کہ ایران نے "گزشتہ 47 سالوں میں انسانیت اور دنیا کے ساتھ جو کچھ کیا اس کا ابھی تک کافی بڑا بدلہ ادا نہیں کیا۔

میڈیا کے لیے کی گئی اسی گفتگو میں ٹرمپ نے ایرانی بندرگاہوں پر محاصرے کو "بہت دوستانہ" اور غیر متنازعہ اقدام قرار دیا اور کہا کہ یہ ان کے دعوے کے خلاف نہیں کہ دشمنی "ختم" کر دی گئی ہے۔