پرتگال نے ایک سخت مقابلے کے بعد کرویشیا کو 1-2 سے شکست دے کر ورلڈ کپ کے اگلے مرحلے کے لیے کوالیفائی کر لیا ہے۔

پرتگال اب ڈلاس اسٹیڈیم میں کھیلے جانے والے 'راؤنڈ آف 16'کے میچ میں اسپین کے مدِ مقابل آئے گا۔

میچ کے پہلے ہاف کے دوران پرتگال نے گیند پر زیادہ کنٹرول حاصل رکھا اور بہتر مواقع پیدا کیے، لیکن کروشیا نے اپنے روایتی جسمانی کھیل اور بہترین پاسنگ کے ذریعے میچ میں اپنی گرفت برقرار رکھی۔ جیسے جیسے وقت آگے بڑھا، پرتگال نے اپنا دباؤ بڑھایا تاہم کرویشیا بھی جوابی حملوں کے ذریعے خطرہ پیدا کرتا رہا۔

دوسرے ہاف کا آغاز کروشیا نے شاندار انداز میں کیا اور 53 ویں منٹ میں اپنے تجربہ کار کھلاڑی ایوان پیریسچ  کے گول کی بدولت 0-1 کی برتری حاصل کر لی۔

پرتگال نے اس کا فوری جواب دیا اور ملنے والی پنالٹی کک پر کرسٹیانو رونالڈو  نے کوئی غلطی نہیں کی اور 68 ویں منٹ میں اسکور 1-1 سے برابر کر دیا۔

 اس کے ساتھ ہی رونالڈو نے ورلڈ کپ کے گروپ مرحلے کے بعد اپنا پہلا گول اسکور کیا۔

بعد ازاں ، پرتگال نے میچ کے آخری لمحات میں ایک ڈرامائی اور فیصلہ کن گول داغ دیا  اور راموس کی بدولت اپنی ٹیم کو جیت دلا دی۔