ایران کے وزیر خارجہ عباس عراقچی نے کہا ہے کہ اگر ایران کے بنیادی ڈھانچے پر کوئی حملہ کیا گیا تو تہران اس کا بھرپور جواب دے گا۔

واشنگٹن کے،آبنائے ہرمز میں نشانہ بننے والے ہر جہاز کے بدلے، ایران کے کسی پل یا بجلی گھر پر بمباری کی دھمکی  کے جواب میں وزیر خارجہ  عراقچی نے سوشل میڈیا  ایکس سے جاری کردہ بیان میں کہا ہے کہ  "ہمارا دفاعی نظریہ بالکل واضح ہے اور وہ ہے آنکھ کے بدلے آنکھ"۔

انہوں نے کہا ہے کہ بنیادی شہری ڈھانچے سمیت  ایران پر کسی بھی قسم کا حملہ ایک مضبوط اور فیصلہ کن جواب کو ناگزیر بنا دے گا۔"

انہوں نے مزید کہا ہے کہ "ایسے کسی بھی حملے  کی حمایت کرنے والوں کو بھی جائز ہدف تصور کیا جائے گا۔"

وسیع تر جنگ کا خدشہ

ایران کے سرکاری نشریاتی ادارے کے مطابق ایرانی فوج نے کہا ہے کہ امریکہ کی دھمکیوں کا نتیجہ جنگ کے مزید پھیلاؤ کے سوا کچھ نہیں ہوگا۔

یہ انتباہ ، وزیر خارجہ عباس عراقچی نے اسٹریٹجک بحری گزرگاہوں اور ایران کی قومی تنصیبات سے متعلق واشنگٹن کےبڑھتے ہوئے سخت بیانات کے بعد ایک بار پھر ایران کے جوابی حملوں کے عزم کا اعادہ کرنے کے بعد، جاری کی گئی ہے۔