ترک صدر رجب طیب ایردوان نے کہا ہےکہ ترکیہ اگلی اقوام متحدہ کی موسمیاتی تبدیلی کانفرنس، COP31، کی میزبانی کے لیے تیار ہے۔

ترکیہ  اگلے سال COP31 موسمیاتی سربراہی اجلاس بحیرہ روم کے تفریحی و ساحلی  شہر انطالیہ میں منعقد کرنے جا رہا ہے، کیونکہ آسٹریلیا نے سالانہ تقریب کی میزبانی کی اپنی کوشش ترک کر دی ہے۔

ترکیہ کے توانائی کے اہداف کو اجاگر کرتے ہوئے ایردوان نے  کہا کہ ملک 2035 تک اپنی شمسی اور ہوا کی توانائی کی صلاحیت کو چار گنا بڑھانے کا ارادہ رکھتا ہے، اور اس سال ترکیہ کی توانائی کے مرکب میں قابل تجدید توانائی کا حصہ پہلے ہی 60 فیصد سے تجاوز کر چکا ہے۔

غزہ کے حوالے سے ایردوان نے زور دیا کہ گزشتہ ماہ طے پانے والی جنگ بندی عالمی استحکام کے لیے نہایت اہم ہے۔

اقوام متحدہ کے اعداد و شمار کے مطابق، اسرائیل کی تباہی نے فلسطین کی ترقیاتی کوششوں کو 70 سال پیچھے دھکیل دیا ہے

ایردوان نے مزید کہا کہ ترکیہ پائیدار جنگ بندی کی حمایت اور فلسطینی علاقے کی تعمیر نو میں حصہ لینے کے لیے پرعزم ہے۔

 انہوں نے کہا کہ ہم فلسطینی عوام کے ساتھ کھڑے ہونے کے لیے پرعزم اور تیار ہیں جیسا کہ ہمیشہ کرتے آئے ہیں

جوہانسبرگ دو روزہ رہنماؤں کے سربراہی اجلاس کی میزبانی کر رہا ہے جس کا مقصد دنیا کے سب سے اہم چیلنجز پر بات چیت کرنا ہے۔