ترک خلائی کمپنی فیرگانی اسپی نے پیر کو کہا کہ اس کا پانچواں ٹیسٹ سیٹلائٹ FGN-100-D3 اسپیس ایکس کے مشن کے ذریعے امریکہ سے روانہ ہونے کے بعد کامیابی سے مدار میں  بیٹھ گیا ہے۔

ترک دفاعی کمپنی بائیکارکے مطابق 113 کلوگرام وزن کے حامل اس سیٹلائٹ کو کیلیفورنیا کے وینڈرنبرگ اسپیس فورس بیس سے اسپیس ایکس کے Transporter-16 مشن کے تحت لانچ کیا گیا، جو لانچ کے 66 منٹ بعد راکٹ سے جدا ہوا اور 500 سے 520 کلومیٹر کی بلندی پر اپنے ہدفی مدار تک پہنچ گیا۔

اس لانچ کی نگرانی فرگانی اسپیس کی ٹیم نے استنبول میں واقع اوزدمیر بائراکتار نیشنل ٹیکنالوجی سنٹر کے اسپیس آبزرویشن اینڈ کنٹرول سینٹر سے کی۔

بائکار بورڈ کے چیئرمین اور چیف ٹیکنالوجی آفیسر سلچوق بایئراکتار نے ترک سوشل میڈیا پلیٹ فارم NSosyal پر کہا ہے کہ کمپنی کا "افق کے پار" کام جاری ہے۔

فیرگانی نے کہا کہ یہ سیٹلائٹ اپنی  گزشتہ پروازوں کے مقابلے میں ایک اہم تکنیکی قدم کی نمائندگی کرتا ہے اور اس میں مکمل طور پر اندرونِ ملک تیار کیے گئے کئی کلیدی نظام شامل ہیں، جن میں ریکشن وہیل، میگنیٹک ٹارک راڈ، میگنیٹومیٹر، انرشیل میژرمنٹ یونٹ اور GNSS ریسیور شامل ہیں۔

یہ ایک ایسے مشنز کے لیے ڈیزائن کردہ اے آئی معاون آن بورڈ کمپیوٹر بھی لے کر گیا ہے جو اعلیٰ سطحی ذمہ داریاں انجام دے سکے، اور مقامی سطح پر تیار شدہ نظاموں اور ایویونکس کی مدار میں توثیق کے حوالے سے  ترکیہ کے خلائی ٹیکنالوجیوں میں مکمل خودمختاری کی طرف ایک اہم قدم سمجھا جا رہا ہے۔

LUNA-2 سے قبل LUNA-1 کا لانچ

اسی سلسلے میں، ترکیہ کی دفاعی کمپنی اسیلاسان نے بھی کہا کہ اس نے اپنے دوسرے نینو سیٹلائٹ LUNA-2 کو کیلیفورنیا سے اسپیس ایکس راکٹ کے ذریعے کامیابی سے مدار میں بھیجا ہے، یہ اس کے خلائی بنیاد پر مبنی انٹرنیٹ آف تھنگز (IoT) پروگرام کا حصہ ہے۔

یہ سیٹلائٹ دور دراز علاقوں میں محفوظ اور بلا تعطل سینسر ڈیٹا کی ترسیل فراہم کرنے کے لیے وقف LoRa مواصلاتی نظام استعمال کرتا ہے، جو کم توانائی کے استعمال کے ساتھ وسیع رقبے تک کوریج ممکن بناتا ہے۔

اسیل سان نے کہا کہ LUNA-2 کے تمام ڈیزائن، ، پیداوار، انٹیگریشن اور ٹیسٹنگ کے عمل ترکیہ  کے اندر ہی انجام دیے گئے ہیں۔

فلائٹ سافٹ ویئر، گراؤنڈ کنٹرول سافٹ ویئر، LoRa ٹرانسیور کارڈ جو پے لوڈ کے طور پر استعمال ہوا اور ڈیٹا ٹرانسفر یونٹ بھی اسیل سان  کے انجینئروں نے ملکی صلاحیتوں کے ساتھ تیار کیے۔

کمپنی نے کہا کہ LUNA-2 کا لانچ خلائی بنیاد پر مبنی IoT کے میدان میں اس کی صلاحیتوں کو مزید مضبوط کرے گا اور ترکیہ کے لیے ایک خودمختار، مسابقتی اور پائیدار خلائی ٹیکنالوجی ماحولیاتی نظام کی تعمیر کے ہدف میں تعاون فراہم کرے گا۔

اسیل سان کا اس سلسلے میں پہلا سیٹلائٹ، LUNA-1، گذشتہ سال دسمبر میں اسپیس ایکس فیلکن 9 راکٹ کے ذریعے مدار میں بھیجا گیا تھا۔