ترک  امور دفاع نے اتوار کو بتایا کہ قطر میں ایک ہیلی کاپٹر حادثے میں سات افراد ہلاک ہو گئے، جن میں چار قطری مسلح افواج کے اہلکار، ایک ترک مسلح افواج کا رکن اور دو ASELSAN کے ٹیکنیشن شامل ہیں۔

وزارت نے ایک بیان میں کہا کہ ترکیہ اور قطر کے درمیان عسکری تعاون اور ہم آہنگی کی سرگرمیاں موجودہ معاہدوں اور منصوبوں کے تحت بغیر وقفے کے جاری ہیں۔

بیان میں کہا گیا کہ قطری مسلح افواج کے ایک ہیلی کاپٹر نے قطر-ترکیہ مشترکہ فورس کمانڈ کے تحت تربیتی مشقیں انجام دیتے ہوئے جمعہ کی شام ابتدائی شواہد کے مطابق فنی خرابی کے باعث سمندر میں جا گرا۔

بیان میں کہا گیا  ہے کہ تلاش  کے آپریشنز کے آغاز کے بعد ہیلی کاپٹر کے ملبے اور ہمارے شہداء کے اجساد تک پہنچا گیا ہے۔ اس حادثے میں چار قطری مسلح افواج کے اہلکار، ایک ترک مسلح افواج کا رکن اور دو ASELSAN کے ٹیکنیشن شہید ہوئے ہیں ۔

بیان میں مزید کہا گیا کہ حادثے کی درست وجہ قطری حکام کی تفتیش کے بعد معلوم کی جائے گی۔

وزارت نے کہا کہ ہم اس المناک حادثے میں جاں بحق ہونے والے تمام شہداء کے لیے اللہ سے رحمت کی دعا کرتے ہیں، ان کے اہل خانہ کو صبر کی توفیق عطا فرمائے، اور ترکی مسلح افواج، قطری مسلح افواج، ASELSAN، ترک قوم اور قطر کے بھائی عوام سے تعزیت کا اظہار کرتے ہیں،”