سیاست
2 منٹ پڑھنے
یوکرین کے صدر وولادیمر زیلنسکی کا دورہ ترکیہ
یوکرین کے صدر وولودیمیر زیلنسکی ترکیہ پہنچ گئے ہیں اور صدر رجب طیب اردوان کے ساتھ اہم ملاقاتیں کریں گے۔
یوکرین کے صدر وولادیمر زیلنسکی کا دورہ ترکیہ
زيلينسكي

صدر زیلنسکی کا استنبول پہنچنے پر ترکیہ کے وزیر دفاع یاشار گولیر نے استقبال کیا۔

زیلنسکی نے امریکی کمپنی ایکس (X) کے سوشل میڈیا پلیٹ فارم پر اپنی ایک پوسٹ میں کہا:"ہم اپنی ٹیم کے ہمراہ استنبول پہنچ گئے ہیں۔ ترکیہ کے صدر رجب طیب اردوان کے ساتھ ہماری اہم ملاقاتیں ہوں گی۔"

زیلنسکی نے مزید کہا کہ وہ یوکرین کی سلامتی کو مضبوط بنانے، ترکیہ کے ساتھ دوطرفہ شراکت داری کو مزید مستحکم کرنے اور ٹھوس سفارتی مواقع پر کام کر رہے ہیں۔ انہوں نے اس بات کی بھی نشاندہی کی کہ بحیرہ اسود میں سمندری نقل و حمل سے متعلق کئی اہم معاملات موجود ہیں۔

زیلنسکی نے بتایا کہ استنبول میں ان کی فینر کے یونانی آرتھوڈوکس پیٹریارک برتھولومیو سے بھی ملاقات طے ہے۔ اس موقع پر انہوں نے یوکرین کا ساتھ دینے والے تمام افراد کا شکریہ بھی ادا کیا۔

اس سے قبل ترکیہ کے صدارتی دفتر کے شعبۂ اطلاعات کے سربراہ برہان الدین دوران نے بتایا تھا کہ صدر رجب طیب ایردوان اور یوکرین کے صدر وولودیمیر زیلنسکی کے درمیان ہونے والی ملاقات میں ترکیہ اور یوکرین کے دوطرفہ تعاون کو مزید فروغ دینے کے لیے ممکنہ اقدامات پر تبادلۂ خیال کیا جائے گا۔

اس کے علاوہ روس یوکرین جنگ، بحیرہ اسود کی سیکیورٹی کی صورتحال اور دیگر اہم علاقائی و بین الاقوامی امور بھی زیرِ بحث آئیں گے۔

دریافت کیجیے
عالمی رہنماؤں کے سیاسی عزم  نے ایک مثبت امید پیدا کی ہے: اردوعان
ہم، اسرائیل کے ساتھ اسلحہ تجارت ختم کرنا چاہتے ہیں: اوبووِچ
تیل کی قیمتوں میں کمی کا رجحان برقرار
اسرائیلی دعوے "سراسر قیاس آرائی" ہیں: سینٹ کوم
سوڈان: شمالی دارفور سے 5 ہزار 275 افراد ہجرت کر گئے
میں، کیوبا کا معاملہ حل کرنا چاہتا ہوں: ٹرمپ
امریکہ: ٹرمپ اور شی، پوتن کے ساتھ جوہری تخفیفِ اسلحہ پر بات کر سکتے ہیں
ہرمز سے بلا اجازت جو جہاز گزرا ہماری زد میں ہوگا: پاسداران انقلاب
ہسپتالوں پر حملے جرم ہیں:غزہ وزارت صحت
پاکستان:دہشتگردوں کا گھات لگا کر پولیس پر حملہ،متعدد ہلاک و زخمی
ماحول عدم اعتماد کامگر مذکرات میں پیش رفت کا امکان ہے:زیلنسکی
ترک خواتین کی باسکٹ بال ٹیم نے مونٹی نیگرو کو شکست دے دی
امریکہ کسی مغالطے میں نہ رہے، اسے بھی نشانہ بنا سکتے ہیں:ایران
پاکستان: آنکھوں کے معائنے کے بعد عمران خان کو دوبارہ جیل منتقل کر دیا گیا
ٹی آر ٹی بین الاقوامی دستاویزی فلم ایوارڈ کے لیے درخواستوں کا آغاز ہو گیا