وزیرِ خارجہ خاقان فدان نے انقرہ میں رمضان کے افطار پروگرام  کے سلسلے میں  اسلامی تعاون تنظیم (OIC) کے رکن اور مبصر ممالک کے سفیروں کے علاوہ ترکیہ میں قائم اس تنظیم کے اداروں کے نمائندوں سے ملاقات کی۔

 ڈپلومیسی ذرائع کے مطابق، یہ دعوت افطار دارالحکومت کے ایک ہوٹل میں منعقد ہوئی۔

فدان نے ایک سوشل میڈیا پوسٹ میں کہا کہ اسلامی تعاون تنظیم عالمی انصاف کے قیام میں اور انسانی و سیاسی بحرانوں کے سامنے اسلامی دنیا کے مشترکہ اقدامات کو یقینی بنانے میں ایک بڑھتا ہوا فعال کردار ادا کر رہی ہے۔

انہوں نے کہا کہ ترکیہ بطورِ صدارتِ وزرائے خارجہ کونسل، اسلامی تعاون تنظیم کے کام میں تعاون جاری رکھے گا۔

 وزیر خارجہ نے معزز سفیروں کی شرکت پر ان کا شکریہ ادا کرتے ہوئے امید  ظاہر کی   کہ یہ بابرکت مہینہ پوری انسانیت کے لیے امن اور سکون لائے ۔