میکسیکو کی بحریہ نے کہا ہے کہ امریکہ اور میکسیکو نے بحرِ اوقیانوس میں ایک  مشترکہ کارروائی کے دوران ایک جہاز سے کئی ٹن کوکین ضبط کی ہے ۔

یہ غیر معمولی مشترکہ کارروائی دونوں ممالک کے درمیان کشیدگی کے باوجود ہوئی ہے، جبکہ امریکی صدر ڈونلڈ ٹرمپ نے میکسیکو کے منشیات کارٹلز پر حملے کی دھمکی دی ہے اور کہا تھا کہ وہ قومی سلامتی کے لیے سنگین خطرہ ہیں۔

میکسیکو کی بحریہ نے بدھ کو ایک بیان میں کہا کہ "تقریباً 188 پیکٹس جن میں کئی ٹن کوکین شامل تھیں" کو کلاریون جزیرے کے قریب اس جہاز سے ضبط کی گئی جو میکسیکو کے کولِیما صوبے کے ساحلی شہر مانزانییو سے تقریباً 1,100 کلومیٹر دور ہے۔

ٹرمپ نے میکسیکو پر اضافی محصولات عائد کرنے کی دھمکی دی ہے تاکہ وہ منشیات کے خلاف آپریشنز  اور کارٹلز کے خلاف گرفتاریوں میں اضافہ کرے۔

اس سال دونوں ہمسایہ ممالک اور کینیڈا کے درمیان آزاد تجارتی معاہدے پر دوبارہ گفت و شنید متوقع ہے۔

بدھ کو ٹرمپ انتظامیہ نے کہا کہ امریکہ-میکسیکو سرحد کے آس پاس میکسیکن کارٹلز کے ڈرونز نے ٹیکساس کے ایک ہوائی اڈے کو عارضی طور پر بند کرنے پر مجبور کر دیا تھا۔

 میکسیکو کی صدر کلاوڈیا شین باوم  نے جواب دیا کہ ان کی حکومت کو سرحد کے علاقے میں کارٹلز کے ڈرونز کے بارے میں کوئی رپورٹس موصول نہیں ہوئی ہیں