جنوبی کوریا کے پہلے مقامی طور پر تیار کردہ لڑاکا طیارے، KF-21 کو حکومت کی طرف سے فلائٹ سیفٹی کا سرٹیفکیٹ مل گیا ہے۔

 یہ بات ڈیفنس ایکوزیشن پروگرام ایڈمنسٹریشن (DAPA) نے منگل کے روز بتائی۔

یونہاپ نیوز ایجنسی کے مطابق، یہ سرٹیفکیٹ پیر کے روز اس وقت دیا گیا جب طیارے نے پرواز اور حفاظت کے مراحل کا ایک سلسلہ مکمل کیا جو 2021 اور 2026 کے درمیان منعقد کیے گئے تھے۔

DAPA کے مطابق، ایک جائزہ کمیٹی نے تصدیق کی کہ KF-21 نے 14 تشخیصی زمروں میں تمام 745 ضروریات کو پورا کیا ہے، جن میں طیارے کا ڈھانچہ، فضائی الیکٹرانکس اور دیگر الیکٹرانک سسٹم شامل ہیں۔

یہ لڑاکا طیارہ مئی میں جنگی تیاریوں کی تشخیص کا مرحلہ بھی پاس کر چکا تھا۔

جنوبی کوریا کا منصوبہ ہے کہ وہ 2032 تک 120 عدد KF-21 جیٹ طیارے حاصل کرے۔

پہلے 40 طیارے جو فضا سے فضا میں جنگی صلاحیتوں پر مرکوز ہیں، 2028 تک فراہم کیے جانے کا شیڈول ہے، جبکہ اس کے بعد مزید 80 جیٹ طیارے شامل کیے جائیں گے جن میں فضا سے زمین اور بحری جہاز مخالف صلاحیتیں مزید وسیع ہوں گی۔

توقع ہے کہ KF-21 لڑاکا طیاروں کی پہلی کھیپ رواں سال کی دوسری  ششماہی  میں جنوبی کوریا کی فضائیہ کے حوالے کر دی جائے گی جبکہ مزید ترسیل مرحلہ وار طریقے سے ہوگی۔