چودہویں پوپ لیو نے امریکہ کے صدر ڈونلڈ ٹرمپ سے ایران کے ساتھ جنگ ختم کرنے کے سفارتی راستے کی تلاش کا مطالبہ کیا ہے ۔

ایسے میں کہ جب ایران کے ساتھ جھڑپوں میں جانی نقصان میں اضافہ ہو رہا ہے پوپ لیو نے بروز منگل  روم کے قریب کاسٹل گینڈولفو میں اپنی رہائش گاہ کے باہر صحافیوں سے  بات چیت کی اور بیانات جاری کئے ہیں۔

انہوں نے  کہا ہے کہ "مجھے بتایا گیا ہے کہ صدر ٹرمپ نے حال ہی میں جنگ ختم کرنے کی خواہش کا اظہار کیا ہے۔ میں امید  کرتا ہوں کہ  وہ مسئلے کے حل کے اور شدّت میں کمی کے راستے تلاش کر رہے ہوں گے"۔

پوپ لیو  نے 28 فروری کو امریکہ اور اسرائیل کے مشترکہ فضائی حملوں کے بعد شروع ہونے والی جنگ  پر  تنقید میں شدت پیدا کر دی ہے۔ بعد ازاں یہ تنازعہ مشرقِ وسطیٰ میں پھیل گیا اور  ہزاروں ہلاکتوں اور عالمی توانائی منڈیوں میں ہلچل کا سبب بن چُکا ہے ۔ حالیہ بیانات کو لیو کی جانب سے ایک غیر معمولی براہِ راست مداخلت کے طور پر دیکھا جا رہا ہے۔

انہوں نے شہری اموات میں اضافے پر بھی تشویش ظاہر کی اور 5 اپریل کو متوقع ایسٹر  تہوار سے پہلے فوری طور پر جنگ کے خاتمے کی اپیل کی ہے۔

لیو نے کہا ہے کہ معصوم بچوں سمیت بہت سی ہلاکتیں ہو چکی ہیں آئیے پائیدار  امن کی اپیل کریں۔ لڑائی، تشدد اور جنگ کی حوصلہ افزائی کرنے والوں کی تعداد بہت زیادہ ہے"۔

پوپ نے  بروز اتوار جاری کردہ بیان میں کہا تھا کہ "خدا ، جنگیں شروع کرنے والے اور خون آلود ہاتھوں والے رہنماوں کی، دعائیں قبول نہیں کرتا"۔