پاکستانی حکام نے کا کہنا ہے کہ پاکستان،  سعودی عرب، ترکیہ اور مصر کے وزرائے خارجہ کی میزبانی کرنے جا رہا ہے تاکہ وسطی مشرق کی جنگ پر بات چیت ہو۔۔

پاکستانی وزارت خارجہ کے مطابق وزرا اتوار اور پیر کو اسلام آباد میں 'گہرائی سے بات چیت' کے لیے یکجا ہوں  گے، جس میں مختلف معاملات بشمول تناؤ کم کرنے کی کوششیں شامل ہوں گی۔

یہ مذاکرات وزیر خارجہ اسحاق ڈار کی میزبانی میں ہوں گے اور وزیر اعظم شہباز شریف کے ساتھ ایک ملاقات بھی طے ہے۔

شہباز شریف کا ایران کے صدر سے فون پر رابطہ

شہباز  شریف نے بتایا ہے  کہ انہوں نے ایرانی صدر مسعود پزشکیان کے ساتھ ایک گھنٹے سے زائد عرصے پر محیط 'تفصیلی' کال کی۔

انہوں نے کہا کہ انہوں نے ایران پر اسرائیلی حملوں کی مذمت کی اور اس کے عوام کے ساتھ یکجہتی کا اظہار کیا، جبکہ امریکہ اور علاقائی ممالک کے ساتھ پاکستان کے وہ سفارتی رابطے بھی بیان کیے جو بات چیت کی حوصلہ افزائی کے لیے کیے جا رہے ہیں۔

وزیر اعظم ہاوس کے مطابق ، پزشکیان نے ثالثی کی کوششوں کی حمایت کے لیے اعتماد کی تشکیل کی ضرورت پر زور دیا۔