اطلاعات کے مطابق ڈرونز نے دبئی انٹرنیشنل ایئرپورٹ کے نزدیک حملہ کیا اور آبنائے ہرمز کے اطراف میں جہاز نشانہ بنے جب کہ ایران نے اپنی فوجی مہم جاری رکھی جس نے تیل کی منڈیوں اور فضائی و بحری ٹریفک میں خلل ڈال دیا ہے ۔
دبئی ایئرپورٹ کے نزدیک کم از کم چار افراد زخمی ہوئے۔ ابتدائی رپورٹیں واضح طور پر یہ نہیں بتا رہیں تھیں کہ زخمی ہونے کی وجہ ملبہ تھی یا براہِ راست حملہ مگر متحدہ عرب امارات میں قائم اخبار 'The National' نے رپورٹ کیا کہ دو ڈرون ایران سے لانچ کیے گئے تھے۔
متحدہ عرب امارات کی فوج کا کہنا ہے کہ تہران پر امریکہ-اسرائیلی کارروائی کے بعد 28 فروری کو جب کشیدگی شروع ہوئی تو ایران نے 1,400 سے زائد ڈرون فائر کیے ہیں۔
تیل سے مالامال خلیجی خطے نے امریکہ-اسرائیل کے حملوں کے جواب میں ایران کے حملوں کا شدید سامنا کیا ہے، جن میں تہران نے امریکی اثاثوں کے ساتھ ساتھ شہری انفراسٹرکچر کو بھی نشانہ بنایا۔
ایران نے خلیجی توانائی کے انفراسٹرکچر کو بھی نشانہ بنایا اور آبنائے ہرمز میں بحری جہاز رانی کو تقریبا رکوا دیا ہے ، جہاں معمول کے مطابق دنیا کی تیل کی پیداوار کا تقریباً 20 فیصد گزر ہوتا ہے جس سے قیمتوں میں شدید اتار چڑھاؤ سامنے آیا ہے۔
بحری سلامتی حکام نے بدھ کو کہا کہ آبنائے ہرمز میں تین جہاز نامعلوم پروجیکٹائلز سے لگے، جن میں سے ایک جہاز پر آگ بھڑک اٹھی اور اس کے بیشتر عملے کو اسے ترک کرنے پر مجبور ہونا پڑا۔
دو بحری سلامتی ذرائع نے کہا کہ تھائی لینڈ پرچم بردار 'Mayuree Naree' پر عمان کے قریب شمال میں تقریباً 11 سمندری میل کے فاصلے پر حملہ کیا گیا۔
برطانیہ کی بحری تجارتی آپریشنز (UKMTO) نے بعد میں اس واقعے کا حوالہ دیتے ہوئے کہا کہ آگ بجھا دی گئی تھی جبکہ ضروری عملہ جہاز پر ہی موجود رہا۔
قبل ازیں، جاپانی پرچم بردار کنٹینر شپ 'One Majesty' کو متحدہ عرب امارات کے رأس الخیمہ کے شمال مغرب میں تقریباً 25 سمندری میل (46 کلومیٹر) فاصلے پر نامعلوم پروجیکٹائل سے معمولی نقصان پہنچا۔
ذرائع نے مزید کہا کہ اس کے عملے کے ارکان محفوظ ہیں اور جہاز ایک محفوظ لنگرگاہ کی طرف روانہ ہے۔
بحری سلامتی کمپنیوں نے کہا کہ ایک تیسرے مال بردار جہازکو بھی دبئی کے شمال مغرب میں تقریباً 50 میل کے فاصلے پر نامعلوم پروجیکٹائل لگا۔
دبئی انٹرنیشنل ایئرپورٹ (DXB) کے نزدیک بدھ کو دو ڈرون لگے جس کے نتیجے میں چار افراد زخمی ہوئے۔۔
بتایا گیا ہے کہ اس واقعے میں دو گھانا کے باشندوں اور ایک بنگلہ دیشی شہری کو معمولی زخم آئے، جبکہ ایک بھارتی شہری کو معتدل چوٹیں آئیں۔
مزید کہا گیا کہ دبئی انٹرنیشنل ایئرپورٹ پر فضائی ٹریفک معمول کے مطابق جاری ہے۔
