ترکیہ بھر میں  عجائب گھروں کی تعداد 2025 میں  ایک سال قبل  کے مقابلے میں 4.4 فیصد بڑھ کر 664 ہو گئی، جبکہعجائب گھروں اور تاریخی مقامات کے زائرین کی تعداد 6.8 فیصد اضافے کے ساتھ 65,862,639 تک پہنچ گئی۔

ترکیہ محکمہ  شماریات (TÜİK) نے 2025 کے 'ثقافتی ورثے کے اعدادوشمار' جاری کیے۔

اس کے مطابق، ترکیہ بھر میں میوزیموں کی تعداد 2024 کے مقابلے میں 4.4 فیصد کے اضافے کے ساتھ 664  ہو گئی ہے۔ ان میں سے 220 میوزیم وزارتِ  ثقافت و سیاحت کے ماتحت ہیں، 426 نجی میوزیم کی کیٹیگری میں آتے ہیں اور قومی محلات کی صدارت کے تحت 18 میوزیم فعال ہیں۔ تاریخی مقامات کی تعداد 148 ہے۔

عجائب گھروں میں  محفوظ  نوادرات کی تعداد گزشتہ سال کے مقابلے میں فیصد 0.4 بڑھ کر 4,012,294 درج کی گئی۔

میوزیموں اور تاریخی مقامات کے زائرین کی تعداد گزشتہ سال کے مقابلے میں فیصد 6.8 بڑھ کر 65,862,639 تک پہنچ گئی۔ زائرین کا 52.9 فیصد وزارت سے منسلک میوزیموں اور تاریخی مقامات  کی زیارت کرنے والوں پر مشتمل تھا۔

قومی تحفظ میں لیے گئے  مقامات کی تعداد 2025 میں گزشتہ سال کے مقابلے میں فیصد 6 بڑھ کر 27,703 ہو گئی، اور ان مقامات کا 97.1 فیصد آثارِ قدیمہ کے علاقوں پر مشتمل  ہے۔

نیشنل پارکس کی تعداد2024 کے مقابلے میں 2025 میں   2  فیصد بڑھ  کر 50 ہو گئی۔ قومی پارکوں کا رقبہ فیصد 3.2 اضافے کے ساتھ 942,286 ہیکٹر تک پہنچ گیا۔ قدرتی پارکوں کی تعداد فیصد 2.2 بڑھ کر 274 ہو گئی جبکہ قدرتی پارکوں کا رقبہ فیصد 0.2 اضافے کے ساتھ 94,294 ہیکٹر درج ہوا۔