زیلنسکی نے سوشل میڈیا پر اپنے بیان میں روس کی جانب سے یوکرین پر کیے گئے فضائی حملوں کا جائزہ پیش کیا۔
انہوں نے بتایا کہ یوکرین میں 15 سے زائد توانائی کے مراکز کو نشانہ بنایا گیا ہے اور حالیہ ایام میں 'یوکرین کے توانائی شعبے پر سب سے زیادہ حملے' کیے جا رہے ہیں۔
زیلنسکی نے کہا کہ ملک میں بجلی کے مسائل کے ازالے کے لیے مرمت اور دیکھ بھال کے کام بلا توقف جاری ہیں۔
انہوں نے کہا کہ روسی فوج نے یوکرین کے توانائی شعبے پر حملے بڑھا دیے ہیں اور گزشتہ شام سے ان کے ملک کو 320 سے زائد طیارہ نما ڈرونز (یو اے وی) اور میزائلوں کے ذریعے نشانہ بنایا گیا۔
زیلنسکی کا کہنا تھا کہ روس کوشش کر رہا ہے کہ سردیوں کے آنے سے پہلے عوام کو مشکل میں ڈال دیا جائے، 'روس کوشش کر رہا ہے کہ ہمارے لاکھوں شہریوں کو بجلی اور ہیٹنگ کے بغیر چھوڑ دے۔'
روس کے خلاف پابندیاں کم نہیں ہونی چاہئیں پر زور دیتے ہوئے زیلنسکی نے کہا:امریکہ میں ہر کسی کے لیے یہ ضروری ہے کہ وہ حقیقت کو دیکھے۔ جب روس ہمارے توانائی شعبے پر اتنے شدید حملے کر رہے ہیں، تو بدقسمتی سے امریکہ نے وہ 'لنڈسے گراہم قانون' جسے روس کو اس جنگ کو ختم کرنے پر مجبور کرنے کے لیے بنایا گیا تھا، مکمل طور پر نظر انداز کرنا پسند کیا۔
یوکرینی اسٹیٹ ایمرجنسی سروس (DSNS) کی تحریری اطلاع میں بتایا گیا ہے کہ ملک کے مختلف علاقوں میں آج رات اورعلی الصبح حملوں میں 2 افراد ہلاک اور 45 زخمی ہوئے ہیں۔
