بین الاقوامی مالیاتی فنڈ  'آئی ایم ایف' نے مشرق وسطیٰ میں جنگ سے پیدا ہونے والے توانائی بحران کی وجہ سے 2026 میں یورپ میں سست رفتار معاشی ترقی اور بلند افراط زر کی پیش گوئی کی ہے۔

آئی ایم ایف کے یورپی شعبے کے ڈائریکٹر الفریڈ کامر نے کہا ہے کہ خطّے کو  ایک نئے معاشی مسئلے کا سامنا  ہے جس  سے نمٹنے کے لیے مضبوط میکرو اکنامک پالیسیوں اور ساختی اصلاحات کی ضرورت ہے۔

کامر نے کہا ہے کہ رواں سال میں یورپی یونین اقتصادیات صرف 1.3% کی شرح  سے ترقی کر سکے گی۔

آئی ایم ایف نے متنّبہ کیا ہے کہ  مستقل رسدی جھٹکوں  اور سخت مالیاتی حالات پر مشتمل ایک  سنگین منظرنامہ  افراط زر کو 5% کے قریب پہنچا سکتا اور یورپی یونین کو کساد بازاری کی طرف دھکیل سکتا ہے۔

آئی ایم ایف کا سال 2026 کے لیے افراط زر کا تخمینہ یورو زون کے لیے 2.6% مقرر کیا گیا ہے۔ یہ شرح 2025 کے 2.1% کے تخمینے سے زیادہ ہے۔

آئی ایم ایف کی توقعات اسکینڈینیوین معیشتوں کے لیے 2.2%، یورپ کی ابھرتی ہوئی معیشتوں کے لیے 10.8%، دنیا کے لیے 4.4% اور ترقی یافتہ معیشتوں کے لیے 2.8% کی سطح پر ہیں۔

یورپی مرکزی بینک شرح سود میں اضافے کا منصوبہ بنا رہا ہے

مذکورہ آئی ایم ایف رپورٹ میں اس بات پر زور دیا گیا  ہےکہ توانائی کی کسی معّینہ ہدف سے محروم ' تعاون  تدابیر' نے خوشحال  گھرانوں کو غیر متناسب فائدہ پہنچایا ہے۔

یورپی حکومتوں نے 2022 کے توانائی بحران کے دوران توانائی کے امدادی پیکجوں پر اپنی جی ڈی پی کا اوسطاً 2.5% خرچ کیا تھا۔

بین الاقوامی ادارے نے پالیسی سازوں کو مشورہ دیا ہے کہ وہ قیمتوں کی 'زیادہ سے زیادہ' حدوں سے گریز کریں اور اس کے بجائے ہدف شدہ اور محدود دورانیے کی  امداد پالیسی  نافذ کریں۔

ادارے نے کہا ہے کہ مرکزی بینکوں کو افراط زر کی توقعات کو مستحکم کرنے پر سختی سے توجہ دینی چاہیے۔

رپورٹ میں کہا گیا ہے کہ یورپی مرکزی بینک اس سال کے آخر تک پالیسی ریٹ میں مجموعی طور پر 50 بیس پوائنٹ کے اضافے کا منصوبہ بنا رہا ہے۔