اسرائیل نے لبنان کے جنوبی اور مشرقی علاقوں پر حملے کر کے سات افراد کو ہلاک کر دیا ہے ۔

لبنان وزارتِ صحت  نے جاری کردہ بیان میں ملک کے جنوبی اور مشرقی علاقوں پر اسرائیلی حملوں کے نتیجے میں 7 افراد کی ہلاکت کی  تصدیق کی اور کہا ہے کہ جنگ بندی اور زیادہ وسیع امریکہ۔ایران سمجھوتے کے باوجود اس تازہ نقصان کے بعد  ایک دن کے دوران ہلاکتوں کی مجموعی تعداد کم از کم 28 تک پہنچ گئی ہے۔

وزارت نے کہا ہے کہ ملک کے مشرق میں ایک عورت اور ایک بچے سمیت پانچ افراد  اور جنوبی صور کے علاقے میں دو فلسطینی ہلاک ہوگئے ہیں۔

یہ تازہ حملے، اسرائیلی فوج کے جاری کردہ اور  ملکی سیاسی قیادت سے جنوبی لبنان میں لڑائی بند کرنے کے احکامات موصول ہونے پر مبنی اعلان  کے بعد کئے گئے  ہیں۔ بعد ازاں ' اے ایف پی نیوز ایجنسی' کے ایک نمائندے نے حملوں میں  وقفے کی اطلاع دی تھی۔

اہم شہروں میں ہلاکتیں بڑھ گئی ہیں

لبنان سرکاری نیوز ایجنسی کے مطابق، اسرائیلی فوج نے علی الصبح  ملک کے جنوبی  شہروں نبطیہ، صور اور صیدا پر فضائی حملے کیے ہیں۔

ابتدائی اعداد و شمار کے مطابق صیدا کے قصبے قناریت پر ایک اسرائیلی فضائی حملے میں سات افراد ہلاک اور 13 زخمی ہوگئے ہیں۔

لبنان سول ڈیفنس ڈائریکٹریٹ نے کہا ہے کہ نبطیہ پر اسرائیلی حملوں میں 16 افراد ہلاک ہوگئے ہیں۔

این این اے کے مطابق اس سے قبل صور کے قصبے باریش پر ایک اسرائیلی فضائی حملے میں  دو بچوں سمیت  ایک ہی خاندان کے چار افرادہلاک ہوگئے ہیں۔

لبنان کے مشرقی قصبے سہمور میں بھی  ایک شخص ہلاک ہوگیا ہے۔ سول ڈیفنس ڈائریکٹریٹ نے کہا  ہےکہ اس کی ٹیموں نے 47 افراد کو محفوظ مقامات پر منتقل کیا اور 16 لاشوں اور 12 زخمیوں کو ہسپتالوں تک پہنچایا ہے۔